మణికొండలో పేలిన మంజీరా పైప్ లైన్.. అపార్ట్‌మెంట్ సెల్లార్లలోకి చేరిన నీరు

హైదరాబాద్, ఫిబ్రవరి17: మణికొండలో మంజీరా పైప్ లైన్ మంగళవారం తెల్లవారుజామున పేలింది. దాంతో మంచి నీరు రహదారిపైకి భారీగా వచ్చి చేరింది. ఈ పైప్ లైన్ ధాటికి సీసీ రోడ్డు పగిలిపోయింది. ఆ ప్రాంతంలోని అపార్ట్‌మెంట్ సెల్లార్లలోకి భారీగా మంచి నీరు వచ్చి చేరింది. సెల్లార్లలో నిలిపిన వాహనాలన్నీ నీట మునిగాయి. స్థానికులు వెంటనే స్పందించి హైదరాబాద్ మెట్రో వాటర్ వర్క్స్‌కు ఫిర్యాదు చేశారు. దీంతో ఎన్డీఆర్ఎఫ్, అగ్నిమాపక సిబ్బందితోపాటు మెట్రో వాటర్ వర్క్స్ సిబ్బంది.. ఈ ప్రాంతానికి వెంటనే చేరుకుని సహాయక చర్యలు చేపట్టారు.

అపార్ట్‌మెంట్ సెల్లార్లలో నిండిన నీటిని భారీ మోటార్ల సహాయంతో సిబ్బంది బయటకు పంపుతున్నారు. దాదాపు రెండు గంటలకుపైగా ఈ సహాయక చర్యలు కొనసాగుతున్నాయి. మరో వైపు.. ఆ ప్రాంతాలో మంచి నీటి సరఫరాను అధికారులు తాత్కాలికంగా నిలిపివేశారు. ఉన్నతాధికారులు.. ఈ ప్రాంతంలో పర్యటించిన పరిస్థితిని సమీక్షించారు. పైప్ లైన్ మరమ్మతు పనులు యుద్ధ ప్రాతిపదికన చేపట్టాలని సిబ్బందిని ఉన్నతాధికారులు ఆదేశించారు.

ఈ వార్తలు కూడా చదవండి..

హంగ్‌లో కింగులైన స్వతంత్రులు

చంద్రబాబుతో తెలంగాణ మంత్రి తుమ్మల భేటీ

For TG News And Telugu News