పాన్ కార్డులో పేరు తప్పు పడిందా..? మొబైల్‌లోనే మార్చుకోండిలా..

ఇంటర్నెట్ డెస్క్: ఈరోజుల్లో పాన్ కార్డు తప్పనిసరి. బ్యాంక్ ఖాత తెరవాలన్న, ఆదాయపు పన్ను రిటర్న్స్ దాఖలు చేయాలన్న ఇది ఉండి తీరాల్సిందే! అయితే ఈ పాన్ కార్డులో వినియోగదారుడి వివరాలు తప్పుగా ఉంటే పలు సమస్యలు ఎదుర్కోవాల్సి వస్తుంది. ఈ తప్పులను సరిదిద్దుకోవడానికి ఇదివరకు ఆన్‌లైన్ సెంటర్లకు ప్రజలు క్యూ కట్టేవారు. ఇప్పుడు ఆ అవసరం లేదు. అధికార పోర్టల్ ఎన్ఎస్‌డీఎల్ ద్వారా ఇంట్లోనే సులువుగా తప్పులను సరిదిద్దుకోవచ్చు. ఈ మొత్తం ప్రక్రియను సులభంగా ఎలా పూర్తి చేయాలో తెలుసుకుందాం రండి!

మొదటి దశ

• పాన్ కార్డులో తప్పులను సరిదిద్దడానికి అధికారిక వెబ్‌సైట్‌ను సందర్శించండి. లింక్ కోసం ఇక్కడ నొక్కండి.

• అక్కడ ‘న్యూ అప్లికేషన్’పై క్లిక్ చేయండి. అందులో ‘చేంజెస్ ఆర్ కరెక్షన్ ఇన్ ఎగ్జిస్టింగ్ పాన్ డేటా’ అనే ఆప్షన్‌ను ఎంచుకోండి.

• ఆ తరువాత మీ కేటగిరీ, పేరు, పుట్టిన తేదీ, మెయిల్ ఐడీ, ఫోన్ నంబర్ తదితర వివరాలు నమోదు చేయండి.

• ఈ ప్రక్రియ పూర్తయ్యాక ఒక టోకెన్ నంబర్ వస్తుంది. దాన్ని భద్రంగా దాచుకోవాలి.

రెండో దశ

• ఈ దశలో అవసరమైన పత్రాల ధృవీకరణ ప్రక్రియ ఉంటుంది.

• ఈ-కేవైసీ ఆప్షన్ ఎంచుకుంటే ఆధార్ డేటా ఆధారంగా పేరు తక్షణమే మారిపోతుంది. ఇలా పేరులో తప్పులుంటే మార్చుకోవచ్చు.

• ఒకవేళ పుట్టిన తేదీని మార్చాలనుకుంటే 10వ తరగతి మార్క్‌షీట్, పాస్‌పోర్ట్ లేదా బర్త్ సర్టిఫికేట్ లాంటివి అందులో అప్‌లోడ్ చేయాలి.

ఫోటో, సంతకాలను ఎలా అప్‌లోడ్ చేయాలి?

• పాన్ కార్డులో ఫోటో, సంతకాలను మార్చుకోవాలనుకుంటే.. అందుకు ఆన్‌లైన్ అప్‌లోడ్ ఆప్షన్ ఎంచుకోవాలి.

• దీనికోసం పాస్‌పోర్ట్ సైజు ఫోటో, సంతకం ఉన్న డిజిటల్ ఫైల్‌ను సిద్ధంగా ఉంచాలి.

• ఈ ఫైల్ పరిమాణం 300 కేబీని మించకూడదు.

ఇవీ చదవండి

ఫోన్‌ స్టోరేజీ నిండిపోయిందా? ఈ 5 చిట్కాలతో బోలెడంత స్పేస్ పొందండిలా..

తప్పుడు నంబర్‌కు యూపీఐ చేశారా? డబ్బులు తిరిగి పొందాలంటే ఇలా చేయండి