AC ఎక్కువ కాలం పనిచేయాలంటే ఇలా చేయండి

ఇంటర్నెట్ డెస్క్: వేసవిలో చాలా మంది గదిని చల్లగా ఉంచుకోవడానికి ఏసీని గంటల తరబడి ఆన్‌లోనే ఉంచుతారు. అయితే, ఏసీని నిరంతరం ఉపయోగించడం వల్ల అది ఓవర్ హీట్ అయ్యే ప్రమాదం ఉందని నిపుణులు హెచ్చరిస్తున్నారు. అందుకే ఏసీని మధ్య మధ్యలో ఆఫ్ చేయడం అవసరమని సూచిస్తున్నారు.

ఏసీని ఎంతసేపు నడపాలన్నది గది పరిమాణం, ఏసీ సామర్థ్యంపై ఆధారపడి ఉంటుందని నిపుణులు అంటున్నారు. చిన్న గదిలో 1 టన్ ఏసీ ఉంటే, దాన్ని సుమారు 8 నుంచి 10 గంటల వరకు నిరంతరాయంగా ఉపయోగించవచ్చు. పెద్ద గదిలో 1.5 టన్ లేదా 2 టన్ ఏసీ ఉంటే, దాన్ని 12 గంటల వరకు నడపవచ్చు. ఆ తర్వాత కొంతసేపు ఏసీని ఆఫ్ చేయడం మంచిది. ఇలా చేయడం వల్ల ఏసీ ఎక్కువగా వేడెక్కకుండా ఉంటుంది.

ఏసీని ఎక్కువసేపు ఆన్‌లో ఉంచితే కంప్రెసర్‌పై ఒత్తిడి పెరిగి, ఓవర్ హీట్ అయ్యే ప్రమాదం ఉంటుంది. కొన్ని సందర్భాల్లో అగ్నిప్రమాదాలు కూడా జరిగే అవకాశం ఉంది. అందుకే, ఈ జాగ్రత్తలు తీసుకోవడం అవసరం.

• అవసరం లేకపోతే ఏసీని ఆఫ్ చేయాలి.

• ఇంట్లో ఎవరూ లేనప్పుడు ఏసీ ఆన్‌లో ఉంచకూడదు.

• సమయానికి సర్వీసింగ్ చేయించాలి.

• సరైన టెంపరేచర్‌లో ఏసీని వాడాలి.

ఇలా జాగ్రత్తలు తీసుకుంటే ఏసీ ఎక్కువకాలం సురక్షితంగా పనిచేస్తుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

వాడకం అంటే ఇదీ.. ఏఐతో పావురాల బెడదకు చెక్

గూగుల్ ఆండ్రాయిడ్ షో.. జెమినీ ఏఐ, ఆండ్రాయిడ్ ఆటో ఫీచర్లు ప్రకటించిన గూగుల్..