చరిత్ర సృష్టించిన బాబర్ ఆజాం

ABN , Publish Date - Feb 02 , 2026 | 12:14 PM

టీ20 ప్రపంచ కప్ ముంగిట పాకిస్థాన్.. ఆస్ట్రేలియాతో జరిగిన మూడు టీ20ల సిరీస్‌న్ క్లీన్‌స్వీప్ చేసింది. ఈ మ్యాచులో పాక్ స్టార్ బ్యాటర్ బాబర్ ఆజాం ప్రపంచ రికార్డును నమోదు చేశాడు. ఈ క్రమంలో టీమిండియా స్టార్ బ్యాటర్ కోహ్లీ రికార్డును బ్రేక్ చేశాడు.

Babar Azam

ఇంటర్నెట్ డెస్క్: టీ20 ప్రపంచ కప్ ముంగిట పాకిస్థాన్.. ఆస్ట్రేలియాతో జరిగిన మూడు టీ20ల సిరీస్‌ను క్లీన్‌స్వీప్ చేసింది. ఆదివారం జరిగిన ఆఖరి టీ20లో మొహ్మద్‌ నవాజ్‌ (5/18) విజృంభించడంతో పాక్‌.. కంగారూలను 111 పరుగుల తేడాతో చిత్తు చేసింది. మొదట పాక్‌ 20 ఓవర్లలో 6 వికెట్లకు 207 పరుగులు చేసింది. ఛేదనలో ఆస్ట్రేలియా ఘోరంగా విఫలమైంది. నవాజ్‌ దెబ్బకు 16.5 ఓవర్లలో 96 పరుగులకే కుప్పకూలింది. ఈ మ్యాచులో పాక్ స్టార్ బ్యాటర్ బాబర్ ఆజాం(50*) హాఫ్ సెంచరీతో చెలరేగాడు. ఈ సందర్భంగా ప్రపంచ రికార్డును నమోదు చేశాడు.

అంతర్జాతీయ టీ20ల్లో అత్యధిక హాఫ్ సెంచరీలు చేసిన తొలి బ్యాటర్‌గా బాబర్ ఆజాం(Babar Azam) చరిత్ర సృష్టించాడు. ఈ క్రమంలో టీమిండియా స్టార్ బ్యాటర్ విరాట్ కోహ్లీ(Virat Kohli) రికార్డును అధిగమించాడు. బాబర్ ఆజాం ఇప్పటి వరకు 39 అర్థ శతకాలు సాధించగా.. విరాట్ కోహ్లీ 38 హాఫ్ సెంచరీలతో రెండో స్థానంలో కొనసాగుతున్నాడు.

అత్యధిక హాఫ్ సెంచరీలు.. జాబితా ఇదే