బలమైన రాష్ట్రాలే.. మరింత బలమైన భారత్‌కి పునాది: సీఎం విజయ్

చెన్నై, ఆగస్టు 20: ‘బలమైన రాష్ట్రాలే.. మరింత బలమైన భారతదేశానికి పునాది’ అని తమిళనాడు సీఎం విజయ్ అభివర్ణించారు. గురువారం తమిళనాడులోని మహాబలిపురంలో కేంద్ర హోం శాఖ మంత్రి అమిత్ షా అధ్యక్షతన సదరన్ జోనల్ కౌన్సిల్ సమావేశం జరిగింది. ఈ సమావేశానికి దక్షిణాది రాష్ట్రాలకు చెందిన సీఎంలు హాజరయ్యారు. ఈ సందర్భంగా తమిళనాడు సీఎం విజయ్ మాట్లాడుతూ పలు కీలక అంశాలు లేవనెత్తారు.

• సహకార సమాఖ్య విధానమే దేశ బలానికి పునాది అని వ్యాఖ్యానించారు. కేంద్రం - రాష్ట్రాలు, రాష్ట్రాల మధ్య విభేదాలను చర్చలు, పరస్పర గౌరవం, చట్టబద్ధ విధానాల ద్వారా పరిష్కరించుకోవాలని పిలుపునిచ్చారు.

• డీలిమిటేషన్‌పై స్పష్టమైన హామీ ఇవ్వాలని డిమాండ్ చేశారు. జనాభా నియంత్రణలో విజయం సాధించిన రాష్ట్రాల పార్లమెంట్ ప్రాతినిధ్యం తగ్గకూడదని ఆయన స్పష్టం చేశారు.

• నీట్ పరీక్షకు వ్యతిరేకత.. తమిళనాడు రాష్ట్ర కోటాలోని MBBS, BDS, ఆయుష్ సీట్లను కేవలం ఇంటర్ మార్కుల ఆధారంగానే భర్తీ చేసుకునేందుకు అనుమతించాలని కేంద్రాన్ని కోరారు.

• ఆర్థిక పంపకాలలో న్యాయం జరగాలి.. మెరుగ్గా పనిచేస్తున్న రాష్ట్రాలకు నష్టం జరగకుండా, వాటికి మరింత ఆర్థిక స్వయం ప్రతిపత్తి ఇవ్వాలని డిమాండ్ చేశారు.

• GST రేట్ల నిర్ణయంలో రాష్ట్రాలకు మరింత స్వేచ్ఛ ఇవ్వాలని కేంద్రానికి విజ్ఞప్తి చేశారు.

• అంతర్రాష్ట్ర నదీ జల వివాదాలపై దృష్టి.. దిగువ ప్రాంత రాష్ట్రాల హక్కులను కాపాడాలని, సుప్రీంకోర్టు తీర్పులు, ట్రిబ్యునల్ అవార్డులను అమలు చేయాలని డిమాండ్ చేశారు. కావేరి, ముల్లై పెరియార్ వివాదాలను ఈ సందర్భంగా ప్రస్తావించారు.

• డ్రగ్స్ అక్రమ రవాణాపై ఉమ్మడి పోరాటం అవసరమని పిలుపు. ఆన్‌లైన్‌లో ప్రిస్క్రిప్షన్ మందుల విక్రయాలపై కఠిన నియంత్రణతో పాటు, రాష్ట్రాల మధ్య సమాచార మార్పిడి పెంచాలని సూచించారు.

• దక్షిణాది రాష్ట్రాల మధ్య ఆర్థిక సమైక్యత పెరగాలని ప్రతిపాదన చేశారు. ఉమ్మడి తయారీ కేంద్రాలు, మల్టీ మోడల్ లాజిస్టిక్స్ పార్కులు, పారిశ్రామిక - ఫ్రైట్ కారిడార్లు ఏర్పాటు చేయాలని సూచించారు.

• బెంగళూరు - హోసూర్ మెట్రో ప్రాజెక్టును త్వరగా పూర్తి చేయాలని కేంద్రాన్ని కోరారు. ఇది అంతర్రాష్ట్ర మౌలిక వసతుల సహకారానికి ఆదర్శంగా నిలుస్తుందని వ్యాఖ్యానించారు.

• బ్లూ ఎకానమీకి ప్రాధాన్యం ఇవ్వాలని పిలుపునిచ్చారు. పోర్టులు, తీర ప్రాంత షిప్పింగ్, మత్స్య, సముద్ర పరిశ్రమలు, తీర ప్రాంత పర్యాటక రంగాలను అభివృద్ధి చేయాలని సూచించారు.

• తీర ప్రాంత మౌలిక వసతులను బలోపేతం చేయాలని డిమాండ్ చేశారు. పోర్టులకు మెరుగైన కనెక్టివిటీ, కోస్టల్ ఎకనామిక్ జోన్లు ఏర్పాటు చేసి పెట్టుబడులు, ఉపాధి పెంచాలని కోరారు.

ఈ వార్తలు కూడా చదవండి..

జెన్‌ జీ పేరుతో బెదిరింపులా? వైరల్‌ వీడియోపై వీకే సింగ్‌ కీలక వ్యాఖ్యలు

'వందేమాతరం'పై కాంగ్రెస్ నిర్ణయం దేశాన్ని అవమానించడమే: అమిత్‌షా

For More National News And Telugu News