CBFC పోర్టల్‌లో భారీ డేటా లీక్? 500కి పైగా సినిమాల రహస్య పత్రాలు బహిర్గతం!

ఢిల్లీ, అక్టోబర్ 25: కేంద్ర ఫిలిం సెన్సార్ బోర్డు (CBFC)కి చెందిన డిజిటల్ పోర్టల్ 'ఈ-సినిప్రమాణ్' (e-Cinepramaan)లో భారీ డేటా లీక్ సంచలనం రేపుతోంది. ఫలితంగా దాదాపు 500కి పైగా సినిమాలకు సంబంధించిన సున్నితమైన, అత్యంత రహస్యమైన పత్రాలు ఇంటర్నెట్‌లో బహిర్గతమయ్యాయన్న వార్తలు భగ్గుమంటున్నాయి. ప్రభుత్వ పోర్టళ్లలో భద్రపరిచే రహస్య సమాచార భద్రతపై ఈ సంఘటన తీవ్ర ఆందోళనలను రేకెత్తిస్తోంది.(CBFC e Cinepramaan Data Leak)

సినిమాలు సెన్సార్ సర్టిఫికేషన్ కోసం సమర్పించిన షూటింగ్ స్క్రిప్ట్‌లు, సెన్సార్ బోర్డు జారీ చేసిన కట్ ఆర్డర్లు, వివిధ వ్యాపార ఒప్పందాల పత్రాలు ఈ లీక్‌లో ఉన్నట్లు సమాచారం. దీనివల్ల సినీ పరిశ్రమలోని ఆర్థిక లావాదేవీలు, భవిష్యత్ వ్యాపార చర్చలపై తీవ్ర ప్రభావం చూపే అవకాశం ఉందన్న ఆందోళనలూ వ్యక్తమవుతున్నాయి.

ఇదిలాఉంటే, కొత్తగా తెరకెక్కించిన ఏ సినిమా అయినా థియేటర్లలో ప్రదర్శించాలంటే సెన్సార్ బోర్డు అనుమతి తప్పనిసరి కావడంతో, పూర్తి కథ, సీన్స్ వివరాలతో కూడిన స్క్రిప్టులను బోర్డుకు అందించాల్సి వస్తుంది. పదేళ్ల క్రితం తీసుకొచ్చిన ‘ఈ-సినీప్రమాణ్’ పోర్టల్ ద్వారా నిర్మాతలు ఆయా పత్రాలను సమర్పిస్తున్నారు. తాజాగా ఈ పోర్టల్‌లో భద్రతా లోపం తలెత్తి, నిర్మాతలు పంపిన స్క్రిప్టులు, బోర్డు సూచించిన కట్స్, అధికారిక పత్రాలన్నీ ‘ఇంటర్నెట్ ఆర్కైవ్’ అనే డిజిటల్ లైబ్రరీలో ఈ ఫైళ్లన్నీ ఎవరైనా డౌన్‌లోడ్ చేసుకునేలా కనిపించాయన్న వార్తలు వినిపిస్తున్నాయి.

ఈ ఘటనపై CBFC స్పందిస్తూ తక్షణమే సమగ్ర విచారణతో పాటు పోర్టల్ సెక్కూరిటీ ఆడిట్ ప్రారంభించినట్లు తెలిపింది. అనధికారికంగా డేటా యాక్సెస్ జరిగినట్లు వచ్చిన నివేదికలను పరిశీలించామని, ఎలాంటి లీకేజీ జరగలేదని బోర్డు పేర్కొంది.

ఈ వార్తలు కూడా చదవండి..

గచ్చిబౌలిలో 3.5 ఎకరాల్లో లెదర్ కామన్ ఫెసిలిటీ సెంటర్ ఏర్పాటు: మంత్రి శ్రీధర్ బాబు

నా చిన్నతనంలో అన్యాయాలను చూడలేకే నక్సలైట్ అయ్యా: మంత్రి సీతక్క

ఆ పరీక్షను వాయిదా వేయాలి.. సీఎం రేవంత్‌కు హరీశ్‌రావు లేఖ

Read Latest Telangana News And AP News And National News

And Telugu News