అరకు యాత్రకు IRCTC బంపర్ ఆఫర్

ఇంటర్నెట్ డెస్క్: జ్యువెల్ ఆఫ్ ఈస్ట్ కోస్ట్ పేరుతో IRCTC కొత్త టూర్ ప్యాకేజీని ప్రకటించింది. ఈ ప్యాకేజ్ ద్వారా విశాఖపట్నం, అరకు లోయ, బొర్రా గుహలు, సింహాచలం వంటి ప్రముఖ పర్యాటక ప్రాంతాలను సందర్శించే అవకాశం కలుగుతుంది. ఈ టూర్ మొత్తం 5 రోజులపాటు కొనసాగుతుంది. యాత్ర హైదరాబాద్ నుంచి ప్రారంభమవుతుంది. రవాణా, హోటల్ వసతి, భోజనం అన్ని సౌకర్యాలు అందుబాటులో ఉంటాయి.

టూర్ వివరాలు ఇలా ఉన్నాయి

IRCTC ప్రకటించిన ఈ ప్యాకేజ్ ప్రతి గురువారం అందుబాటులో ఉంటుంది. ఇందులో స్లీపర్, 3ఏసీ కోచ్‌లలో ప్రయాణించే అవకాశం ఉంటుంది. టూర్ సమయంలో అల్పాహారం, భోజనం, రాత్రి భోజనం వంటి సౌకర్యాలు కూడా అందిస్తారు.

రోజువారీ ప్రయాణ ప్రణాళిక

• హైదరాబాద్ రైల్వే స్టేషన్ నుంచి సాయంత్రం గోదావరి ఎక్స్‌ప్రెస్ ద్వారా ప్రయాణం ప్రారంభమవుతుంది.

• రెండో రోజు శుక్రవారం ఉదయం విశాఖపట్నం చేరుకున్న తర్వాత హోటల్‌లో చెక్-ఇన్ ఉంటుంది. అనంతరం కాళీమాత ఆలయం, సబ్‌మెరైన్ మ్యూజియం సందర్శిస్తారు. మధ్యాహ్న భోజనం తర్వాత కైలాసగిరి, రిషికొండ బీచ్‌లను సందర్శిస్తారు. రాత్రి భోజనం తర్వాత విశాఖలోనే బస ఉంటుంది.

• మూడో రోజు శనివారం ఉదయం అల్పాహారం తర్వాత అరకు ప్రయాణం ప్రారంభమవుతుంది. అక్కడ తైడా జంగిల్ బెల్స్, పద్మాపురం గార్డెన్స్, ట్రైబల్ మ్యూజియం, గాలికొండ వ్యూ పాయింట్, బొర్రా గుహలు సందర్శిస్తారు. సాయంత్రం తిరిగి విశాఖ చేరుకుంటారు.

• నాలుగో రోజు ఆదివారం ఉదయం సింహాచలం ఆలయం సందర్శన తర్వాత ఆర్‌కే బీచ్‌కు వెళ్తారు. సాయంత్రం విశాఖ నుంచి తిరిగి హైదరాబాద్‌కు రైలులో ప్రయాణం ప్రారంభమవుతుంది.

• ఐదో రోజు ఉదయం హైదరాబాద్ చేరుకోవడంతో టూర్ ముగుస్తుంది.

టికెట్ ధరలు (సుమారుగా)

3AC కోచ్:

• సింగిల్ షేరింగ్ రూ.27,910

• డబుల్ షేరింగ్ రూ.17,010

• ట్రిపుల్ షేరింగ్ రూ.13,370

స్లీపర్ కోచ్:

• సింగిల్ షేరింగ్ రూ. 20,010

• డబుల్ షేరింగ్ రూ.15,110

• ట్రిపుల్ షేరింగ్ రూ. 11,480

(పిల్లల టికెట్ ధరలు వేరుగా ఉంటాయి)

టికెట్ల బుకింగ్‌తో పాటు మరిన్ని వివరాల కోసం ఐఆర్‌సీటీసీ అధికారికి వెబ్‌సైట్ https://www.irctctourism.com ద్వారా తెలుసుకోవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆఫీసులో గంటల తరబడి కూర్చుంటున్నారా? మీ ఆరోగ్యం ప్రమాదంలో ఉన్నట్టే!

ప్రకృతి ప్రసాదించిన యాంటీ బయాటిక్స్.. రోగనిరోధక శక్తిని పెంచే 'సూపర్ మసాలాలు' ఇవే!

For More Latest News