పాలు మరిగించడానికి ఏ పాత్ర మంచిది?

ఇంటర్నెట్ డెస్క్: పాలు మన రోజువారీ ఆహారంలో ముఖ్యమైన భాగం. అయితే వాటిని ఏ పాత్రలో మరిగిస్తున్నామన్నది కూడా ఆరోగ్యంపై ప్రభావం చూపుతుంది. ఆయుర్వేద నిపుణుల ప్రకారం, సరైన పాత్రను ఎంచుకుంటే పాలలోని పోషకాలు మెరుగ్గా నిల్వ ఉండటమే కాకుండా, జీర్ణక్రియకు కూడా ఉపయోగపడుతుంది. అందుకే పాలను ఏ పాత్రలో మరిగించాలి, ఏ పాత్రలో మరిగించకూడదో తెలుసుకోవడం చాలా అవసరం.

కంచు పాత్రలు:

కంచు పాత్రల్లో పాలు మరిగిస్తే అవి సులభంగా జీర్ణమవుతాయని అంటారు. ఇవి వాత, పిత్త దోషాలను సమతుల్యం చేయడంలో సహాయపడతాయి. అలాగే బ్యాక్టీరియా తగ్గించడంలో కూడా ఉపయోగపడతాయి. అయితే ఈ పాత్రలను ఎప్పుడూ శుభ్రంగా ఉంచాలి.

ఇత్తడి పాత్రలు:

ఆయుర్వేదం ప్రకారం ఇత్తడి పాత్రల్లో వంట చేయడం మంచిదిగా భావిస్తారు. వీటిలో మరిగించిన పాలు పోషకాలను బాగా నిలుపుకుంటాయని చెబుతున్నారు. ఇవి రోగనిరోధక శక్తిని పెంచడంలో, జీర్ణ సమస్యలను తగ్గించడంలో సహాయపడతాయి. అయితే ఇత్తడి పాత్రలకు తగరపు పూత ఉండాలి. అలాగే, శుభ్రతపై శ్రద్ధ తీసుకోవాలి.

స్టెయిన్‌లెస్ స్టీల్ పాత్రలు:

ఈ రోజుల్లో ఎక్కువగా వాడేది స్టెయిన్‌లెస్ స్టీల్. దీనికి ప్రత్యేక ఔషధ గుణాలు లేకపోయినా, ఇది సురక్షితమైనది. పాలు మరిగించడానికి ఇది మంచి ఎంపికగా భావిస్తారు.

మట్టి కుండ:

గ్రామాల్లో ఇప్పటికీ మట్టి కుండల్లో పాలు మరిగించే పద్ధతి ఉంది. తక్కువ మంటపై మరిగిస్తే పాలలోని పోషకాలు అలాగే ఉంటాయి. ఇది అజీర్ణం, గ్యాస్ సమస్యలను తగ్గించడంలో సహాయపడుతుంది.

ఈ పాత్రల్లో పాలు మరిగించవద్దు:

ఇనుప పాత్ర:

ఇనుప పాత్రలో పాలు మరిగిస్తే పాలలో ఇనుము శాతం పెరిగే అవకాశం ఉంది. అందువల్ల దీనిని ఉపయోగించకపోవడం మంచిది.

అల్యూమినియం పాత్రలు:

ఆయుర్వేదం ప్రకారం అల్యూమినియం పాత్రల్లో పాలు మరిగిస్తే పోషకాలు తగ్గే అవకాశం ఉంది. దీర్ఘకాలంలో ఇది ఆరోగ్య సమస్యలకు దారితీయవచ్చు.

నాన్-స్టిక్ పాత్రలు:

అధిక ఉష్ణోగ్రతల వద్ద నాన్-స్టిక్ పాత్రల నుంచి రసాయనాలు పాలలోకి కలిసే ప్రమాదం ఉంటుంది. కాబట్టి వీటిని ఉపయోగించకుండా ఉండటం మంచిది.

పాలు మరిగించడానికి సరైన పాత్రను ఎంచుకోవడం ఆరోగ్యానికి చాలా అవసరం. కంచు, ఇత్తడి, మట్టి లేదా స్టెయిన్‌లెస్ స్టీల్ పాత్రలను ఉపయోగించడం మంచిదని నిపుణులు సూచిస్తున్నారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Latest News