మిరియాల రసం.. జలుబు, దగ్గుకు ఉత్తమ ఔషధం..

ఇంటర్నెట్ డెస్క్: మిరియాల రసం (Pepper Rasam) దక్షిణ భారతదేశంలో చాలా ప్రసిద్ధి చెందిన సంప్రదాయ వంటకం. ఇది రుచికరంగా ఉండటమే కాకుండా జలుబు, దగ్గు, జీర్ణ సమస్యలు ఉన్నప్పుడు ఎంతో ఉపశమనాన్ని ఇస్తుంది. ముఖ్యంగా రోగనిరోధక శక్తి పెరిగేలా చేస్తుంది. ఇన్ని ఆరోగ్య ప్రయోజనాలు ఉన్న మిరియాల రసం ఎలా చేయాలో ఇప్పుడు తెలుసుకుందాం..

కావలసిన పదార్థాలివే..

• మిరియాలు – 1 టీస్పూన్

• జీలకర్ర – 1 టీస్పూన్

• వెల్లుల్లి రెబ్బలు – 4 లేదా 5

• చింతపండు – చిన్న పరిమాణం

• టమాట – 1

• పసుపు – చిటికెడు

• ఉప్పు – తగినంత

• కరివేపాకు – కొద్దిగా

• కొత్తిమీర – కొద్దిగా

• నూనె లేదా నెయ్యి – 1 టీస్పూన్

• ఆవాలు – 1/2 టీస్పూన్

• ఎండుమిర్చి – 1 లేదా 2

• నీరు – 2 కప్పులు

తయారీ విధానం..

• మిక్సీలో మిరియాలు, జీలకర్ర, వెల్లుల్లి, ఎండుమిర్చి వేసి మెత్తగా కాకుండా పొడి చేసుకోవాలి.

• స్టవ్‌పై గిన్నె పెట్టి నూనె/నెయ్యి వేసి, ఆవాలు, మెంతులు, ఎండుమిర్చి, కరివేపాకు, పసుపు, ఇంగువ (ఇష్టం ఉంటే) వేసి వేయించాలి.

• ముందుగా సిద్ధం చేసుకున్న మిరియాల పొడిని పోపులో వేసి.. చింతపండు రసం, తగినన్ని నీళ్లు, ఉప్పు కలపాలి.

• రసాన్ని తక్కువ మంట మీద 5-7 నిమిషాల పాటు మరిగించాలి. రసం మరీ ఎక్కువగా మరిగించకూడదు.

• చివరగా కొత్తిమీర చల్లుకుని స్టవ్ ఆపేయాలి.

చిట్కాలివే..

• మిరియాల ఘాటు ఎక్కువ కావాలంటే, మిరియాల పొడిని చివరలో చింతపండు పులుసు మరిగేటప్పుడు వేయడం మంచిది.

• తాజాగా నూరిన పొడితో చేసిన రసం రుచిగా ఉంటుంది.

• మిరియాల రసాన్ని వేడి వేడి అన్నంతో లేదా సూప్ లాగా తీసుకోవచ్చు. జలుబు ఉన్నప్పుడు రోజుకు ఒకసారి తీసుకుంటే మంచి ఫలితం ఉంటుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

యువతలో బీపీ పెరగడానికి కారణం తెలుసా?

పాదాలలో ఈ 4 లక్షణాలు కనిపిస్తే జాగ్రత్త..!

For More Latest News