చీమలను వదిలించుకోవడానికి ఇంటి చిట్కాలు

ఇంటర్నెట్ డెస్క్: వేసవిలో చీమల బెడద ఎక్కువగా ఉంటుంది. ముఖ్యంగా వంటగదిలోని ప్రతి మూలలో చీమలు గుంపులుగా కనిపిస్తాయి. వాటిని తొలగించడానికి రసాయన ఉత్పత్తులు వాడినా కొన్నిసార్లు పూర్తి ఫలితం ఇవ్వవు. అంతేకాకుండా అవి ఆరోగ్యానికి హానికరంగా కూడా ఉండవచ్చు. అందుకే ఇంట్లో లభించే సహజ పదార్థాలతో చీమలను దూరం చేయడం మంచిది.

వెనిగర్ స్ప్రే

చీమలను తరిమికొట్టడానికి వెనిగర్ చాలా ప్రభావవంతమైనది. సమాన పరిమాణంలో నీరు, తెల్ల వెనిగర్ కలిపి స్ప్రే తయారు చేయాలి. చీమలు ఉన్న ప్రదేశంలో దీన్ని పిచికారీ చేయాలి. వెనిగర్ వాసన చీమలకు నచ్చదు కాబట్టి అవి వెంటనే వెళ్లిపోతాయి. ఇంటిని తుడిచే నీటిలో కూడా కొద్దిగా వెనిగర్ కలిపితే మంచిది.

నల్ల మిరియాలు

నల్ల మిరియాల ఘాటు వాసన చీమలకు ఇష్టం ఉండదు. చీమలు ఉన్న ప్రదేశంలో నల్ల మిరియాల పొడి చల్లితే అవి అక్కడి నుంచి వెళ్లిపోతాయి. ఇది సులభమైన, సమర్థవంతమైన మార్గం.

దాల్చినచెక్క

దాల్చినచెక్క కూడా చీమలను దూరం చేయడంలో సహాయపడుతుంది. దాని ఘాటు వాసన కారణంగా చీమలు ఆ ప్రదేశాలకు రావు. చీమలు ఎక్కువగా కనిపించే చోట దాల్చినచెక్క పొడి చల్లాలి. లేదా దాల్చినచెక్క నూనెలో దూది ముంచి ఆ ప్రదేశాల్లో ఉంచవచ్చు.

నిమ్మరసం

నిమ్మరసం చీమలను తరిమికొట్టడంలో చాలా ఉపయోగపడుతుంది. నిమ్మలో ఉండే సహజ ఆమ్లాలు చీమల దారి గుర్తించే శక్తిని తగ్గిస్తాయి. చీమలు వచ్చే చోట నిమ్మరసం పిచికారీ చేయాలి. అలాగే వంటగది తలుపులు, కిటికీల దగ్గర నిమ్మ తొక్కలు ఉంచితే కూడా చీమలు రావు. ఈ సహజ ఇంటి చిట్కాలను పాటించడం ద్వారా చీమల సమస్యను సులభంగా తగ్గించుకోవచ్చు. అలాగే వంటగదిని శుభ్రంగా ఉంచుకోవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

అరకు యాత్రకు IRCTC బంపర్ ఆఫర్

వేసవిలో చర్మ సమస్యలకు ఇలా చెక్ పెట్టండి

For More Latest News