చిన్న నౌకలనూ కాల్చేయండి.. అమెరికా నేవీకి ట్రంప్ కీలక సూచనలు

అమెరికా అధ్యక్షుడు డొనాల్డ్ ట్రంప్ తమ సైన్యానికి కీలక ఆదేశాలు జారీ చేశారు. హోర్ముజ్ జలసంధిలో మందుపాతరలను అమరుస్తున్న ఇరాన్ నౌకలపై దాడులు చేయాలని ఆదేశించారు. ఆ పడవలు ఎంత చిన్నవైనా సరే, వాటిని కాల్చేసి, వాటిల్లోని సిబ్బందిని మట్టుబెట్టాలని అమెరికా నౌకా దళానికి సూచించారు. ఈ విషయాన్ని ట్రంప్ తన సోషల్ మీడియా ఖాతా 'ట్రూత్' ద్వారా వెల్లడించారు (Trump Iran boats shoot order).

'అమెరికా మైన్ స్వీపర్లు ప్రస్తుతం హోర్ముజ్ జలసంధిని క్లియర్ చేస్తున్నాయి. ఈ ప్రక్రియను మూడు రెట్ల అధిక వేగంతో కొనసాగించాలని ఆదేశించా. హోర్ముజ్ జలసంధిలో మందుపాతరలను అమరుస్తున్న ఏ చిన్న పడవనైనా సరే కాల్చి ధ్వంసం చేయాలని నేవీని ఆదేశించా. ఈ విషయంలో ఏమాత్రం సంకోచించవద్దని చెప్పాను' అని ట్రంప్ పోస్ట్ చేశారు (Strait of Hormuz crisis 2026).

ట్రంప్ తాజా ఆదేశాలు అమెరికా-ఇరాన్ మధ్య కొనసాగుతున్న ఉద్రిక్త పరిస్థితులను మరింత తీవ్రతరం చేశాయి (US Iran tensions). ఇరాన్ చిన్న స్పీడ్‌బోట్లు, డ్రోన్ల ద్వారా నౌకా రవాణాను అడ్డుకుంటోందని అమెరికా ఆరోపిస్తోంది. వాటికి చెక్ పెట్టేందుకే ట్రంప్ ఈ నిర్ణయం తీసుకున్నారు. కాగా, అమెరికా నేవీ అనుమతి లేకుండా హోర్ముజ్‌లోకి ఏ నౌక అయినా ప్రవేశించడం గాని, బయటకు వెళ్లడం గానీ జరగదని ట్రంప్ అన్నారు. హోర్ముజ్‌పై అమెరికా పూర్తి నియంత్రణ సాధించినట్టు చెప్పారు.

ఇవి కూడా చదవండి..

శాంతి చర్చల విషయంలో ఒత్తిడి లేదు.. మా దృష్టి దాని పైనే: డొనాల్డ్ ట్రంప్

నెతన్యాహు ప్లాన్‌ను వాళ్లు తిరస్కరించారు.. ట్రంప్ అంగీకరించారు: విదేశాంగ మాజీ కార్యదర్శి