హూతీలు ప్రయోగించిన బాలిస్టిక్ క్షిపణులను ధ్వంసం చేశాం.. సౌదీ దళాల ప్రకటన
ABN , Publish Date - Oct 13 , 2026 | 11:38 AM
సౌదీ అరేబియాలోని ఖమీస్‌ ముషాయిత్‌‌పై హూతీలు ప్రయోగించిన రెండు బాలిస్టిక్ క్షిపణులను తాము ధ్వంసం చేశామని యెమెన్‌లోని సౌదీ సంకీర్ణ దళాలు ఈరోజు (మంగళవారం) ప్రకటించాయి.
ఇంటర్నెట్ డెస్క్: సౌదీ అరేబియాలోని ఖమీస్‌ ముషాయిత్‌‌పై హూతీలు ప్రయోగించిన రెండు బాలిస్టిక్ క్షిపణులను తాము ధ్వంసం చేశామని యెమెన్‌లోని సౌదీ సంకీర్ణ దళాలు ఈరోజు (మంగళవారం) ప్రకటించాయి. అలాగే సోమవారం రాత్రి రియాద్‌పై ప్రయోగించిన బాలిస్టిక్ క్షిపణిని అడ్డుకున్న విషయాన్ని కూడా ఆ దళాలు వెల్లడించాయి. కాగా గత కొన్ని రోజులుగా సౌదీ అరేబియా విమానాశ్రయాలపై వరుస దాడులు జరుగుతున్న విషయం తెలిసిందే. ఈ దాడుల్లో కనీసం 13 మంది మృతి చెందగా, 300 మందికి పైగా గాయపడ్డారు.
సౌదీ విమానాశ్రయాలపై వరుస దాడులు జరుగుతున్న నేపథ్యంలో ఆ దేశంలోని ఎయిర్‌పోర్ట్‌లకు పలు విమానయాన సంస్థలు తమ సర్వీసులను నిలిపివేస్తున్నాయి. తాజాగా యూఏఈకి చెందిన ఓ విమానయాన సంస్థ నవంబర్ 29 వరకు రియాద్‌కు విమాన సర్వీసులను రద్దు చేశామని తెలిపింది.
ఈ వార్తలూ చదవండి
రియాద్ ఎయిర్‌పోర్టుపై దాడి.. షాకింగ్ సీన్స్
పాకిస్థాన్‌లో ఘోర విమాన ప్రమాదం.. ఇద్దరు పైలట్ల మృతి!
