వేసవికాలం.. తాపాన్ని తరిమికొట్టే సింపుల్ చిట్కాలు..

ఎండలు రోజురోజుకు పెరుగుతున్నాయి. దీంతో శరీరంలో శక్తి తగ్గుతూ ఉంటుంది. దీంతోపాటు వేసవిలో ఉక్కపోత కూడా అధికంగా ఉంటుంది. దీని వల్ల చెమట పడుతుంది. ఈ చమట రూపంలో శరీరంలోని నీరు, లవణాలు బయటకు వెళ్లిపోతాయి. అలాంటి వేళ.. సరైన ఆహారం తీసుకోకపోతే వడదెబ్బ తగిలే ప్రమాదం ఎక్కువగా ఉంటుంది. ఈ కాలంలో శరీర ఉష్ణోగ్రతను సమతుల్యంగా ఉంచేందుకు వైద్య నిపుణులు పలు ఆరోగ్య సూచనలు చేస్తున్నారు. నీటి శాతం అధికంగా ఉండే పండ్లు, కూరగాయలు తీసుకోవాలని సూచిస్తున్నారు.

ఇవిగో చిట్కాలు..

• దాహం వేసినా వేయకపోయినా రోజంతా తగినంత నీరు తాగాలి. ఇది శరీరాన్ని హైడ్రేటెడ్‌గా ఉంచుతుంది.

• పుచ్చకాయ, కర్పూజా వంటి పండ్లలో 90 శాతానికి పైగా నీరు ఉంటుంది. ఇది శరీరానికి అవరమైన విటమిన్లను సైతం అందిస్తుంది.

• తినే భోజనంలో పెరుగు లేదా మజ్జిగ వేసుకోవాలి. వీటిలోని ప్రో బయోటిక్స్ పొట్టను ఆరోగ్యంగా ఉంచుతుంది.

• సలాడ్ రూపంలో దోసకాయ తీసుకోవాలి. దీని వల్ల శరీరానికి చలవ చేస్తుంది. చర్మం కాంతివంతంగా మారుతుంది.

• ఈ వేసవిలో కారం, గరం మసాలు వినియోగాన్ని సాధ్యమైనంత తక్కువగా తీసుకోవాలి.

• నూనెలో వేయించిన ఆహార పదార్థాలు.. సమోసాలు, పకోడీలకు దూరంగా ఉండడం ఉత్తమం. ఇవి శరీర ఉష్ణోగ్రతలను పెంచుతాయి.

• కూల్ డింక్స్, రకరకాల రంగుల సోడాలకు దూరంగా ఉండాలి. కొబ్బరి నీళ్లు, నిమ్మరసం తాగడం ఉత్తమం. ఇవి శరీరానికి సహజమైన ఎలక్ట్రోలైట్లను అందిస్తాయి.

• రాత్రి వేళ తేలికగా జీర్ణమయ్యే ఆహారం తీసుకోవాలి. దీని వల్ల నిద్ర చక్కగా పడుతుంది.

• మరి దాహం వేస్తే.. సుగంద సోడా, కోటోరా గోధుమ వంటివి నీటిలో కలుపుకుని తాగడం వల్ల శరీరంలోని అధిక ఉష్ణోగ్రతలు తగ్గిపోతాయి.

• ఈ వేసవిలో సాధ్యమైనంత వరకు మజ్జిగను తీసుకోవాలి. అది కూడా చాలా పల్చగా తీసుకోవాల్సి ఉంటుంది. ఇందులో నిమ్మకాయ పిండుకుని తాగితే వేసవి తాపం తగ్గడమే కాకుండా శరీరారాని విటమిన్ సి సైతం అందుతుంది.

ఈ వార్తలు కూడా చదవండి..

గిరిజనంలోకి ... ‘సంజీవని’

పేపర్ ప్లేట్‌లో తింటే క్యాన్సర్ వస్తుందా?

For More Health News And Telugu News