నేషనల్ డెంగ్యూ డే 2026.. ఈ 5 లక్షణాలను అసలు నిర్లక్ష్యం చేయొద్దు

ఇంటర్నెట్ డెస్క్: ప్రతి సంవత్సరం మే 16న జాతీయ డెంగ్యూ దినోత్సవాన్ని నిర్వహిస్తారు. డెంగ్యూపై ప్రజల్లో అవగాహన పెంచడం దీని ప్రధాన ఉద్దేశం. దోమల ద్వారా వ్యాపించే ఈ వ్యాధి కొన్నిసార్లు ప్రాణాంతకంగా కూడా మారవచ్చు. ప్రస్తుతం డెంగ్యూ కేసులు వేగంగా పెరుగుతున్న నేపథ్యంలో దీని లక్షణాలు, నివారణ మార్గాల గురించి తెలుసుకోవడం చాలా అవసరం. ముఖ్యంగా ఈ 5 లక్షణాలు కనిపిస్తే అస్సలు నిర్లక్ష్యం చేయొద్దు..

డెంగ్యూ వచ్చినప్పుడు కనిపించే లక్షణాలు

డెంగ్యూ లక్షణాలను అసలు నిర్లక్ష్యం చేయకూడదు. ఈ లక్షణాలు కనిపిస్తే వెంటనే వైద్యులని సంప్రదించడం మంచిది.

అధిక జ్వరం: అకస్మాత్తుగా ఎక్కువ జ్వరం రావడం డెంగ్యూ ప్రధాన లక్షణాల్లో ఒకటి.

తీవ్రమైన తలనొప్పి: తల బాగా నొప్పిగా ఉండటం, బరువుగా అనిపించడం కనిపించవచ్చు.

కీళ్ల, కండరాల నొప్పులు: శరీరం మొత్తం నొప్పిగా ఉండటం, ముఖ్యంగా కీళ్ల దగ్గర నొప్పి ఎక్కువగా ఉండొచ్చు.

కళ్ల వెనుక నొప్పి: కళ్లను కదిలించినప్పుడు లేదా చూసేటప్పుడు నొప్పి అనిపించవచ్చు.

వికారం, వాంతులు: కొంతమందిలో వాంతులు, వికారం, బలహీనత వంటి సమస్యలు కనిపిస్తాయి. కొన్ని సందర్భాల్లో కళ్లు లేదా చర్మం పసుపు రంగులోకి మారడం కూడా కనిపించవచ్చు. ఈ లక్షణాలను నిర్లక్ష్యం చేస్తే పరిస్థితి ప్రమాదకరంగా మారే అవకాశం ఉంది.

డెంగ్యూ నివారణకు తీసుకోవాల్సిన జాగ్రత్తలు

• ఇంటి చుట్టూ నీరు నిల్వ ఉండకుండా చూసుకోవాలి.

• కూలర్లు, టైర్లు, పూలకుండీల్లో నీరు నిల్వకుండా చూడాలి.

• కిటికీలు, తలుపులకు దోమల వలలు అమర్చాలి.

• దోమల నివారణ క్రీములు లేదా స్ప్రేలు ఉపయోగించాలి.

• బయట ఆహారం కంటే ఇంటి ఆహారానికే ప్రాధాన్యం ఇవ్వాలి.

• శరీరంలో నీరు తగ్గకుండా ఎక్కువ ద్రవాలు తీసుకోవాలి.

జాగ్రత్త

డెంగ్యూ లక్షణాలు కనిపిస్తే స్వయంగా మందులు వాడకుండా వెంటనే వైద్యులను సంప్రదించాలి. ముఖ్యంగా జ్వరం, బలహీనత ఎక్కువగా ఉంటే పరీక్షలు చేయించుకోవడం అవసరం.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

బంగాళదుంపలు త్వరగా ఉడకాలంటే ఈ టిప్స్ ట్రై చేయండి

మా ప్లేయర్ల పరువుకు భంగం కలిగిస్తే సహించేది లేదు: ప్రీతి జింటా

For More Latest News