వేసవిలో ఆరోగ్యంగా ఉండాలంటే ఉదయాన్నే ఈ నీరు తాగండి

ఇంటర్నెట్ డెస్క్: వేసవిలో ఆరోగ్యంపై ప్రత్యేక శ్రద్ధ తీసుకోవాలి. ఎక్కువ వేడి కారణంగా శరీరంలో నీటి శాతం తగ్గి అలసట, నీరసం, జీర్ణ సమస్యలు రావచ్చు. అందుకే శరీరాన్ని చల్లగా ఉంచే పానీయాలు తీసుకోవాలని నిపుణులు సూచిస్తున్నారు. అలాంటి వాటిలో ఎండుద్రాక్ష, సోంపు నానబెట్టిన నీరు కూడా ఒకటి.

ఆయుర్వేదం ప్రకారం సోంపు, ఎండుద్రాక్ష రెండింటికీ శరీరానికి చల్లదనం ఇచ్చే గుణాలు ఉన్నాయి. వీటిని రాత్రంతా నీటిలో నానబెట్టి, ఉదయాన్నే ఆ నీటిని తాగితే ఆరోగ్యానికి అనేక ప్రయోజనాలు కలుగుతాయి. ఒక గ్లాసు నీటిలో1 టీస్పూన్ సోంపు, 4 నుంచి 5 ఎండుద్రాక్షలు వేసి రాత్రంతా నానబెట్టాలి. ఉదయం ఆ నీటిని వడకట్టి తాగాలి. తర్వాత ఎండుద్రాక్షలను నమిలి తినాలి.

సోంపు – ఎండుద్రాక్ష పోషకాలు

సోంపులో కాల్షియం, ఐరన్, పొటాషియం, మెగ్నీషియం, ఫైబర్, యాంటీఆక్సిడెంట్లు వంటి పోషకాలు ఉన్నాయి. ఇవి జీర్ణక్రియకు సహాయపడటంతో పాటు శరీరాన్ని చల్లగా ఉంచుతాయి. ఎండుద్రాక్షలో ఐరన్, సహజ చక్కెరలు, ఫైబర్, కాల్షియం, విటమిన్లు వంటివి ఉన్నాయి. ఇవి శక్తిని పెంచి, నీరసం తగ్గించడంలో సహాయపడతాయి.

ప్రయోజనాలు

శరీరాన్ని చల్లగా ఉంచుతుంది

సోంపు శరీరానికి చల్లదనం ఇస్తుంది. ఎండుద్రాక్ష కూడా డీహైడ్రేషన్‌ను తగ్గించడంలో సహాయపడుతుంది. వేసవిలో ఈ నీరు తాగితే వడదెబ్బ, అధిక వేడి ప్రభావం తగ్గే అవకాశం ఉంటుంది.

జీర్ణక్రియ మెరుగుపడుతుంది

సోంపు గ్యాస్, ఎసిడిటీ, ఉబ్బరం వంటి సమస్యలను తగ్గించడంలో సహాయపడుతుంది. ఎండుద్రాక్షలో ఉండే ఫైబర్ మలబద్ధకం తగ్గించడంలో ఉపయోగపడుతుంది. దీంతో కడుపు తేలికగా ఉంటుంది.

శక్తిని పెంచుతుంది

ఎండుద్రాక్షలో సహజ చక్కెరలు, ఐరన్ ఎక్కువగా ఉంటాయి. ఇవి శరీరానికి తక్షణ శక్తిని అందిస్తాయి. అలసట, నీరసం తగ్గించడంలో సహాయపడతాయి.

చర్మానికి మేలు చేస్తుంది

ఈ నీటిలో ఉండే యాంటీఆక్సిడెంట్లు శరీరంలోని విషపదార్థాలను బయటకు పంపడంలో సహాయపడతాయి. దీంతో చర్మం కాంతివంతంగా కనిపించే అవకాశం ఉంటుంది. మొటిమలు, పొడి చర్మం వంటి సమస్యలు కూడా తగ్గవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

బంగాళదుంపలు త్వరగా ఉడకాలంటే ఈ టిప్స్ ట్రై చేయండి

మా ప్లేయర్ల పరువుకు భంగం కలిగిస్తే సహించేది లేదు: ప్రీతి జింటా

For More Latest News