బంగాళదుంపలు త్వరగా ఉడకాలంటే ఈ టిప్స్ ట్రై చేయండి

ఇంటర్నెట్ డెస్క్: భారతీయ వంటల్లో బంగాళదుంపలకు ప్రత్యేక స్థానం ఉంది. కూరలు, చాట్‌, స్నాక్స్‌ ఇలా ఎన్నో వంటల్లో వీటిని ఉపయోగిస్తారు. అయితే, బంగాళదుంపలు ఉడకడానికి ఎక్కువ సమయం పడటం చాలామందికి ఇబ్బందిగా ఉంటుంది. కానీ కొన్ని సులభమైన కిచెన్ టిప్స్ పాటిస్తే బంగాళదుంపలను త్వరగా, సులభంగా ఉడకబెట్టొచ్చు.

చిన్న ముక్కలుగా కట్ చేయాలి

బంగాళదుంపలను పూర్తిగా ఉడకబెట్టడం కంటే సగం లేదా చిన్న ముక్కలుగా కట్ చేసి ఉడకబెడితే అవి త్వరగా ఉడుకుతాయి. ఇలా చేయడం వల్ల వేడి లోపలికి త్వరగా చేరి తక్కువ సమయంలోనే మెత్తగవుతాయి.

వేడి నీటిలో వేయండి

చాలామంది చల్లటి నీటిలో బంగాళదుంపలు వేసి ఉడకబెడతారు. కానీ ముందుగా నీటిని వేడి చేసి అందులో బంగాళదుంపలు వేస్తే అవి త్వరగా ఉడుకుతాయి. ఇది గ్యాస్‌ కూడా ఆదా చేస్తుంది.

ప్రెషర్ కుక్కర్‌ను సరైన విధంగా వాడాలి

కుక్కర్‌లో ఎక్కువ నీరు పోస్తే ఉడకడానికి ఎక్కువ సమయం పడుతుంది. తక్కువ నీటితో 2 నుంచి 3 విజిల్స్ వచ్చే వరకు ఉడికిస్తే సరిపోతుంది. పెద్ద బంగాళదుంపలైతే మధ్యలో చిన్న గాటు పెట్టితే ఆవిరి లోపలికి చేరి త్వరగా ఉడుకుతుంది.

కొద్దిగా ఉప్పు వేయాలి

ఉడకబెట్టే నీటిలో కొద్దిగా ఉప్పు వేస్తే బంగాళదుంపలు త్వరగా ఉడుకుతాయి. ఇది చాలా కాలంగా వంటల్లో ఉపయోగిస్తున్న సులభమైన చిట్కా.

గిన్నెకు మూత పెట్టాలి

కుక్కర్ లేకుండా ఉడకబెడుతున్నప్పుడు గిన్నెకు మూత పెట్టాలి. దీంతో ఆవిరి బయటకు పోకుండా ఉండి బంగాళదుంపలు త్వరగా ఉడుకుతాయి. నీరు మరిగిన తర్వాత మంటను మధ్యస్థంగా ఉంచితే మంచి ఫలితం ఉంటుంది. ఈ చిన్న చిన్న కిచెన్ టిప్స్ పాటిస్తే బంగాళదుంపలు తక్కువ సమయంలోనే ఉడికి, మీ వంట కూడా త్వరగా పూర్తవుతుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

కొత్త ఇంటికి మారేటప్పుడు ఈ వస్తువులను తీసుకెళ్లొద్దు!

ఢిల్లీలో ఉచితంగా సందర్శించగల అద్భుతమైన ప్రదేశాలు ఇవే

For More Latest News