తగినంత నిద్ర లేకపోతే ఈ వ్యాధులు వచ్చే ప్రమాదం ఉందా.!

ఇంటర్నెట్ డెస్క్: ప్రస్తుత కాలంలో పని ఒత్తిడి, మొబైల్ వ్యసనం, మారుతున్న జీవనశైలి కారణంగా చాలా మందికి సరిపడా నిద్ర లేకుండా పోయింది. అందువల్ల ఆలస్యంగా నిద్రపోవడం, త్వరగా మేల్కొనడం, నిద్ర సమయాన్ని నిర్లక్ష్యం చేయడం సర్వసాధారణమైపోయింది. అయితే.. తగినంత నిద్ర(రోజుకు 7-9 గంటలు) లేకపోతే శారీరక, మానసిక ఆరోగ్యంపై తీవ్ర ప్రభావం చూపుతుంది.

నిద్ర లేకపోవడం వల్ల వచ్చే వ్యాధులు

• నిద్ర లేకపోవడం కారణంగా రక్తపోటు పెరిగిపోవచ్చు. ఇది గుండె సంబంధిత సమస్యలకు దారితీస్తుంది. దీర్ఘకాలిక నిద్ర లేమి గుండెపోటు వంటి తీవ్రమైన సమస్యలకు దారితీస్తుంది.

• నిద్రలేమి చక్కెర స్థాయిలను ప్రభావితం చేస్తుంది. దీంతో డయాబెటిస్ రిస్క్ పెరుగుతుంది.

• నిద్ర లేకపోవడం వలన జీవక్రియ మందగిస్తుంది. దానివల్ల బరువు పెరుగుతారు.

• నిద్రలేమి.. ఆందోళన, నిరాశ, డిప్రెషన్ వంటి మానసిక సమస్యలను మరింత పెంచుతుంది.

• నిద్రలేమి క్రమంగా రోగనిరోధక వ్యవస్థను బలహీనపరుస్తుంది. ఇది పలు ఆరోగ్య సమస్యలకు కారణమవుతుంది.

బాగా నిద్రపోవాలంటే..

ప్రతిరోజూ ఒకే సమయానికి నిద్రపోవడం, నిద్రలేవడం అలవాటు చేసుకోవాలి. పడక గదిని చీకటిగా, ప్రశాంతంగా ఉంచుకోవాలి. పడుకునే ముందు 1-2 గంటల పాటు మొబైల్/టీవీకి దూరంగా ఉండాలి. వీలైనంత వరకూ కెఫీన్(కాఫీ/టీ) వంటి వాటిని తగ్గించడం మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ఇది కేవలం ప్రజల సాధారణ ఆరోగ్య ప్రయోజనాలను దృష్టిలో ఉంచుకుని ఇవ్వడం జరిగింది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఉదయం నిద్రలేవగానే ఈ లక్షణాలు కనిపిస్తున్నాయా? జాగ్రత్త.!

అధిక బరువు సమస్యకు ఈ ఆహారంతో చెక్ పెట్టండి!

For More Latest News