ఈ చిన్న చిట్కాతో ఆర్థరైటిస్‌కు చెక్..

ప్రస్తుత పరిస్థితుల్లో అత్యధిక శాతం మంది కీళ్ల నొప్పులు (ఆర్థరైటిస్‌) సమస్యతో ఇబ్బంది పడుతున్నారు. ఈ సమస్యతో వైద్యుల వద్దకు వెళ్తే.. మందులు రాస్తున్నారు. వాటిని వాడితే.. ఆ సమయంలో మాత్రమే ఈ నొప్పులు తగ్గుతున్నాయి. ఆ తర్వాత మళ్లీ కీళ్ల నొప్పులు వస్తున్నాయి. అయితే ఈ ఆర్థరైటిస్ సమస్యకు గోధుమ కటోరా(గోండ్ కతీరా)తో చెక్ పెట్ట వచ్చని ఆరోగ్య నిపుణులు చెబుతున్నారు. దీనిని ఆస్ట్రాగాలస్ చెట్ల నుంచి సేకరిస్తారు. దీనిని వాడడం వల్ల వేసవిలో శరీరంలోని తాపాన్ని నియంత్రించడమే కాకుండా.. ఈ నొప్పులు సైతం తగ్గుతాయని అంటున్నారు. ఈ గోధుమ కటోరా వాడడం వల్ల కలిగే ప్రయోజనాలు..

• గోధుమ కటోరాలో అద్భుతమైన శీతలీకరణ గుణాలు ఉన్నాయి. వేసవిలో శరీర ఉష్ణోగ్రతను తగ్గిస్తుంది. వడదెబ్బ నుంచి రక్షిస్తుంది.

• దీనిపై ఫైబర్ పుష్కలంగా ఉంటుంది. ఇది పేగుల కదలికలను సులభతరం చేసి మలబద్ధకం నుంచి ఉపశమనం కలిగిస్తుంది. కడుపు ఉబ్బరాన్ని తగ్గిస్తోంది.

• ఇది శరీరానికి తక్షణ శక్తిని ఇస్తుంది. అందులోని ప్రోటీన్, కాల్షియం, మెగ్నీషియం రోగనిరోధక శక్తిని పెంచడంలో సహాయపడుతుంది.

• గోధుమ కటోరా తీసుకోవడం వల్ల చర్మం ఆరోగ్యంగా ఉంటుంది. ఇది ముడతలను తగ్గిస్తుంది. చర్మాన్ని చల్లబరచడానికి సహాయపడుతుంది.

• ఆర్థరైటిస్ లేదా కీళ్ల నొప్పులు ఉన్న వారికి ఇది చాలా మంచిది. ఎముకలను బలోపేతం చేయడంలో.. నొప్పులను తగ్గించడానికి సహాయపడుతుంది.

• ఇందులో ఫైబర్ అధికంగా ఉంటుంది. దీనిని తీసుకోవడం వల్ల కడుపు నిండిన అనుభూతి కలుగుతుంది. తద్వారా అనవసరమైన ఆకలి తగ్గి బరువు తగ్గడానికి సహాయపడుతుంది.

• మహిళల్లో ప్రసవానంతరం బలహీనతను తగ్గించడంతోపాటు గర్భాశయ ఆరోగ్యానికి మంచిది.

• అయితే ఈ గోధుమ కటోరాను నేరుగా తినకూడదు. దీనిని రాత్రంతా నీటిలో నానబెట్టాలి. దీంతో అది జెల్లీలాగా మారుతుంది. దీనిని నీరు, పాలు, లస్సీ, షర్బత్, రోజ్ వాటర్ లేదా నిమ్మరసరం, సుగంధ సోడాతో కలిపి తీసుకోవాలి.

ముఖ్య సూచన..

• ఈ గోధుమ కటోరా తీసుకునేటప్పుడు తగినంత నీరు తాగడం ముఖ్యం. లేకుంటే గొంతులో అడ్డం పడే అవకాశం ఉంది.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Health News And Telugu News