మానసిక ఒత్తిడి.. కండరాల నొప్పికి కారణమవుతుందా?

ఇంటర్నెట్ డెస్క్: ఇటీవలి రోజుల్లో కండరాల నొప్పి సమస్యలు ఎక్కువగా కనిపిస్తున్నాయి. చాలామంది దీన్ని చిన్న సమస్యగా భావించి నిర్లక్ష్యం చేస్తుంటారు. ఎముకలకు లేదా ఇతర లోపాలకు సంబంధం లేకపోయినా.. కండరాల నొప్పి ఉంటే దానికి కొన్ని ముఖ్యమైన కారణాలు ఉండవచ్చు.

ఆరోగ్య నిపుణుల ప్రకారం, కండరాల నొప్పికి ప్రధాన కారణాల్లో ఒకటి ఎక్కువసేపు ఒకే స్థితిలో కూర్చోవడం. ముఖ్యంగా ల్యాప్‌టాప్ లేదా మొబైల్ ఫోన్ ముందు గంటల తరబడి కూర్చోవడం. సరైన భంగిమలో కూర్చోకపోవడం వల్ల మెడ, భుజాలు, వెన్నుపూస చుట్టూ ఉన్న కండరాలు బిగుసుకుని నొప్పి కలుగుతుంది. విటమిన్ D, కాల్షియం స్థాయిలు సాధారణంగా ఉన్నప్పటికీ, ఈ సమస్య మిమ్మల్ని ఇబ్బంది పెట్టవచ్చు.

మానసిక ఒత్తిడి కూడా ఒక కారణం:

మానసిక ఒత్తిడి హార్మోన్ల సమతుల్యతను దెబ్బతీస్తుంది. దీని వల్ల కండరాలు నిరంతరం బిగుసుకుపోయి నొప్పి కలుగుతుంది. అదనంగా, సరైన నిద్ర లేకపోవడం కూడా కండరాల నొప్పిని పెంచుతుంది.

డీహైడ్రేషన్:

శరీరంలో నీటి కొరత ఉన్నప్పుడు కండరాలు బలహీనంగా మారి నొప్పి కలుగుతుంది. తగినంత నీరు తాగకపోవడం, అనారోగ్య పరిస్థితులు లేదా పోషకాహార లోపం కారణంగా ఈ సమస్య ఎక్కువవుతుంది.

కండరాల నొప్పి నివారణకు సూచనలు:

• సరైన భంగిమలో కూర్చోవడం అలవాటు చేసుకోవాలి.

• ఒకే స్థితిలో ఎక్కువసేపు కూర్చోకుండా, ప్రతి గంటకూ కొంతసేపు లేచి నడవాలి.

• రోజూ తేలికపాటి వ్యాయామం చేయాలి.

• రోజుకు కనీసం 7–8 గ్లాసుల నీరు తాగాలి.

• రోజుకు 7–8 గంటలు నిద్రపోవాలి.

  ఈ సూచనలు పాటిస్తే కండరాల నొప్పిని తగ్గించుకోవచ్చు. అయితే నొప్పి ఎక్కువకాలం కొనసాగితే వైద్యుడిని సంప్రదించడం మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ఇది కేవలం ప్రజల సాధారణ ఆరోగ్య ప్రయోజనాలను దృష్టిలో ఉంచుకుని ఇవ్వడం జరిగింది. ABN ఆంధ్రజ్యోతి దీనిని ధ్రువీకరించడం లేదు.

Also Read:

థాయ్ మసాజ్ ప్రత్యేకత ఏమిటో మీకు తెలుసా?

పానిక్ అటాక్‌ని ఎలా గుర్తించాలో తెలుసా?

For More Latest News