ద్రాక్ష తినే ముందు ఈ జాగ్రత్తలు తీసుకోండి

ఇంటర్నెట్ డెస్క్: ద్రాక్ష తీపిగా, రుచిగా ఉండే పండు. ముఖ్యంగా పిల్లలు ద్రాక్షను ఎంతో ఇష్టంగా తింటారు. అయితే మార్కెట్‌లో లభించే ద్రాక్షపై కొన్నిసార్లు పురుగుమందులు లేదా ఇతర రసాయనాలు ఉండే అవకాశం ఉంటుంది. ద్రాక్ష ఎక్కువకాలం తాజాగా ఉండేందుకు రైతులు లేదా వ్యాపారులు కొన్ని రసాయనాలను ఉపయోగిస్తారు. అందుకే ద్రాక్షను తినే ముందు వాటిని బాగా శుభ్రం చేయడం చాలా ముఖ్యం.

ఇటీవల సోషల్ మీడియాలో కూడా ద్రాక్షపై రసాయనాలు ఉన్నట్లు చూపించే కొన్ని వీడియోలు వైరల్ అవుతున్నాయి. నిజానికి ద్రాక్ష త్వరగా పండేందుకు లేదా మంచిగా కనిపించేందుకు కొన్ని చోట్ల రసాయనాలను ఉపయోగిస్తారు.

ద్రాక్షలో రసాయనాలు

ద్రాక్ష సాగు సమయంలో పురుగులను నివారించేందుకు రైతులు పురుగుమందులు పిచికారీ చేస్తారు. అలాగే ద్రాక్ష త్వరగా పాడవకుండా ఉండేందుకు సల్ఫర్ డయాక్సైడ్ వంటివి కూడా ఉపయోగిస్తారు. అందుకే ద్రాక్షను కొనుగోలు చేసిన తర్వాత నేరుగా తినకుండా ముందుగా శుభ్రం చేయడం అవసరం.

రసాయనాలు లేదా పురుగుమందులు ఉన్న ద్రాక్షను ఎక్కువగా తింటే ఆరోగ్యానికి హాని కలగవచ్చు. నిపుణుల ప్రకారం అలాంటి ద్రాక్షను తినడం వల్ల జీర్ణ సమస్యలు, ఉబ్బరం లేదా గ్యాస్, అజీర్ణం, కొంతమందిలో అలెర్జీలు వంటి సమస్యలు వచ్చే అవకాశం ఉంటుంది. దీర్ఘకాలంలో ఇవి నాడీ వ్యవస్థపై కూడా ప్రభావం చూపవచ్చు.

రసాయనాలను ఎలా తొలగించాలి?

• ఉప్పు, వెనిగర్ ఉపయోగించడం: ఒక గిన్నెలో నీరు తీసుకుని అందులో అర టీస్పూన్ ఉప్పు, కొద్దిగా వెనిగర్ కలపాలి. ద్రాక్షను ఆ నీటిలో సుమారు 10 నిమిషాలు నానబెట్టాలి. తరువాత సాధారణ నీటితో కడిగి తినాలి. ఇలా చేస్తే రసాయనాలు కొంతవరకు తొలగిపోతాయి.

• బేకింగ్ సోడా ఉపయోగించడం: ఒక గిన్నెలో నీరు తీసుకుని అందులో అర టీస్పూన్ బేకింగ్ సోడా, కొద్దిగా నిమ్మరసం కలపాలి. ద్రాక్షను కొన్ని నిమిషాలు అందులో నానబెట్టి తర్వాత శుభ్రమైన నీటితో కడగాలి.

• గోరువెచ్చని నీటితో శుభ్రం చేయడం: ఒక గిన్నెలో గోరువెచ్చని నీరు తీసుకుని అందులో ద్రాక్షను కొద్దిసేపు నానబెట్టాలి. గోరువెచ్చని నీరు ద్రాక్షపై ఉన్న రసాయనాలను తొలగించడంలో సహాయపడుతుంది.

జాగ్రత్త

ద్రాక్షను కొనుగోలు చేసే సమయంలో ఎక్కువగా మెరిసే లేదా అసహజంగా కనిపించే ద్రాక్షను తీసుకోవడం మంచిది. వీలైతే బాగా శుభ్రం చేసి మాత్రమే తినాలి. ఇలా జాగ్రత్తలు తీసుకుంటే ద్రాక్షను సురక్షితంగా ఆస్వాదించవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read

వేసవిలో బయటకు వెళ్లే ముందు ఈ స్కిన్‌కేర్ తప్పనిసరి

బొప్పాయి తినడానికి సరైన సమయం తెలుసా?

For More Latest News