వ్యాయామం చేయడం వల్ల షుగర్ తగ్గుతుందా?

ఇంటర్నెట్ డెస్క్: మధుమేహం లేదా ప్రీడయాబెటిస్ ఉన్నవారికి రక్తంలో చక్కెర స్థాయిలను నియంత్రణలో ఉంచుకోవడం చాలా ముఖ్యం. దీనికి ఆహారం, మందులతో పాటు వ్యాయామం కూడా కీలక పాత్ర పోషిస్తుంది. ప్రస్తుతం ప్రపంచవ్యాప్తంగా కోట్లాది మంది మధుమేహంతో బాధపడుతున్నారు. టైప్-2 డయాబెటిస్ నియంత్రణలో వ్యాయామం ఒక సహజ ఔషధంలా పనిచేస్తుందని నిపుణులు అంటున్నారు.

వ్యాయామం వల్ల కలిగే ప్రయోజనాలు

• రక్తంలో చక్కెర స్థాయిలు తగ్గుతాయి

• ఇన్సులిన్ సున్నితత్వం మెరుగవుతుంది

• గుండె ఆరోగ్యం బలపడుతుంది

• ఒత్తిడి తగ్గుతుంది

• బరువు నియంత్రణలో ఉంటుంది

• మందులపై ఆధారపడే పరిస్థితి తగ్గే అవకాశం ఉంటుంది.

చేయాల్సిన వ్యాయామాలు

• ఏరోబిక్ వ్యాయామాలు: ఇవి గుండె, ఊపిరితిత్తుల పనితీరును మెరుగుపరుస్తాయి. ఉదాహరణలు: జాగింగ్, సైక్లింగ్, ఈత, నృత్యం

• రెసిస్టెన్స్ వ్యాయామాలు: ఇవి కండరాలను బలపరుస్తాయి. కండర ద్రవ్యరాశి పెరిగితే శరీరం గ్లూకోజ్‌ను మెరుగ్గా వినియోగిస్తుంది.

  ఉదాహరణలు: తేలికపాటి బరువులు ఎత్తడం, రెసిస్టెన్స్ బ్యాండ్‌లతో వ్యాయామం,

  పుష్‌అప్స్ వంటి బాడీవెయిట్ వ్యాయామాలు.. వారానికి 2-3 రోజులు చేయడం మంచిది.

• ప్రతిరోజూ 20 నుంచి 30 నిమిషాల పాటు వ్యాయామం చేయడం మంచిది. కొత్తగా ప్రారంభిస్తున్నవారు రోజుకు 10 నిమిషాల నుంచి మొదలుపెట్టి, క్రమంగా సమయాన్ని పెంచుకుంటూ వెళ్లాలి.

• కార్డియో వ్యాయామాలు, వెయిట్ ట్రైనింగ్, స్ట్రెచింగ్ లేదా యోగా వంటి వ్యాయామాలు చేయడం చాలా మంచిదని నిపుణులు చెబుతున్నారు.

• భోజనం చేసిన తర్వాత, ముఖ్యంగా అల్పాహారం లేదా మధ్యాహ్న భోజనం తర్వాత తేలికపాటి వాకింగ్ చేయడం వల్ల రక్తంలో చక్కెర స్థాయిలు తగ్గుతాయని అధ్యయనాలు చెబుతున్నాయి.

• ఉదయం ఖాళీ కడుపుతో తేలికపాటి వ్యాయామం చేయడం కూడా కాలక్రమేణా చక్కెర నియంత్రణకు సహాయపడుతుంది.

• ఒకేసారి ఎక్కువగా లేదా తీవ్రమైన వ్యాయామం చేయడం కంటే ప్రతిరోజూ తేలికపాటి వ్యాయామం చేయడం ఎక్కువ ప్రయోజనం ఇస్తుంది. క్రమం తప్పకుండా చేసే వ్యాయామం వల్ల శరీరం ఇన్సులిన్‌కు మెరుగ్గా స్పందిస్తుంది.

వ్యాయామం చేసే సమయంలో జాగ్రత్తలు

• ఆకలిగా ఉన్నప్పుడు వ్యాయామం చేయకూడదు

• పుష్కలంగా నీరు తాగాలి.

• సౌకర్యవంతమైన చెప్పులు లేదా షూలు ధరించాలి.

• ఇన్సులిన్ లేదా మందులు తీసుకునేవారు వ్యాయామానికి ముందు, తర్వాత షుగర్ లెవెల్స్ పరీక్షించుకోవాలి.

• తల తిరగడం, బలహీనంగా అనిపిస్తే వెంటనే వ్యాయామం చేయడం ఆపాలి.

మధుమేహ నియంత్రణలో వ్యాయామం అత్యంత ముఖ్యమైన భాగం. ప్రతిరోజూ కొద్దిసేపు నడక, తేలికపాటి వ్యాయామాలు, యోగా వంటి అలవాట్లు రక్తంలో చక్కెర స్థాయిలను నియంత్రించడంలో సహాయపడతాయి. తీవ్రంగా చేయడం కంటే క్రమం తప్పకుండా చేయడమే ఆరోగ్యానికి మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

బంగాళదుంపలు త్వరగా ఉడకాలంటే ఈ టిప్స్ ట్రై చేయండి

మా ప్లేయర్ల పరువుకు భంగం కలిగిస్తే సహించేది లేదు: ప్రీతి జింటా

For More Latest News