జయ ఏకాదశి రోజున లక్ష్మీనారాయణులను పూజిస్తే.. పాపాలన్నీ తొలగిపోతాయి.!

ఇంటర్నెట్ డెస్క్: ఏకాదశి తిథికి ఎంతో విశిష్టత ఉంది. ఏకాదశి రోజున విష్ణువును భక్తిశ్రద్ధలతో పూజించి ఉపవాసం ఉంటే ఎంతో మేలు జరుగుతుందని పండితులు చెబుతుంటారు. ఈ జన్మలో చేసిన పాపాలు తొలగిపోతాయని, మోక్షం లభిస్తుందని భక్తుల విశ్వాసం. ఈ ఏడాది వచ్చే ‘జయ ఏకాదశి’ చాలా విశేషమైనది. ఏకాదశి తిథి బుధవారం(జనవరి 28) సాయంత్రం గం.4:35కు ప్రారంభమై.. గురువారం మధ్యాహ్నం గం.1:55కు ముగుస్తుందని పండితులు చెబుతున్నారు. ఈ రోజున ‘రవి వియోగం’ ఏర్పడటంతో ఉపవాసం, పూజా కార్యక్రమాలు చేయడం వల్ల పుణ్య ఫలం రెట్టింపు అవుతాయట. ఈ పవిత్రమైన రోజున లక్ష్మీనారాయణులను భక్తితో పూజిస్తే ఏళ్లనాటి దైన్యస్థితి తొలగిపోయి, అష్టైశ్వార్యాలు సిద్దిస్తాయని పండితులు చెబుతున్నారు.

పాటించాల్సిన నియమాలు:

• ఈ రోజు బియ్యంతో చేసిన పదార్థాలేవీ తినకూడదు.

• శ్రీ మహావిష్ణువుకు పండ్లు, పూలు సమర్పించి ‘ఓం నమో భగవతే వాసుదేవాయ నమః’ అనే మంత్రాన్ని జపించాలి.

• సాయంత్రం వేళ తులసి కోట వద్ద నెయ్యితో దీపారాధన చేయాలి.

• విష్ణుమూర్తికి పసుపు రంగు దుస్తులంటే ప్రీతి. కావున పసుపు పువ్వులు, దుస్తులు ధరిస్తే చాలా మంచిది.

• పాయసం లేదా స్వీట్లు స్వామివారికి నివేదించాలి.

• రోజంతా ఉపవాసం, రాత్రి జాగరణ చేస్తే ఎంతో పుణ్యం లభిస్తుంది.

• జయ ఏకాదశి వ్రతాన్ని ఆచరిస్తే.. బ్రహ్మహత్యా పాతకం వంటి పాపాలు నశించిపోతాయి

• ఈ రోజు పూజా కార్యక్రమాలు చేస్తే.. పితృదేవతలకు శాంతి లభిస్తుంది. వారి ఆశిస్సులు కుటుంబంపై ఉంటాయని భక్తుల విశ్వాసం.

గమనిక: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఇవి కూడా చదవండి:

తిరుమలలో రథసప్తమి రికార్డ్‌

అమరావతికి చట్టబద్ధత కల్పించాలి