5 ఐపీఓలు.. రూ.2,600 కోట్ల సమీకరణ
ABN , Publish Date - Oct 26 , 2026 | 04:03 AM
ఈ వారంలో మరో ఐదు కంపెనీలు తమ తొలి పబ్లిక్‌ ఆఫరింగ్‌ (ఐపీఓ)లతో ఇన్వెస్టర్ల ముందుకు రాబోతున్నాయి. ఈ కంపెనీలు ప్రైమరీ మార్కెట్‌ నుంచి...
న్యూఢిల్లీ: ఈ వారంలో మరో ఐదు కంపెనీలు తమ తొలి పబ్లిక్‌ ఆఫరింగ్‌ (ఐపీఓ)లతో ఇన్వెస్టర్ల ముందుకు రాబోతున్నాయి. ఈ కంపెనీలు ప్రైమరీ మార్కెట్‌ నుంచి రూ.2,600 కోట్ల వరకు నిధులను సమీకరించాలని భావిస్తు న్నాయి. వీటిలో ఈఏఏఏ ఇండియా ఆల్టర్నేటివ్స్‌, ఎస్‌ఎఫ్‌సీ ఎన్విరాన్‌మెంటల్‌ టెక్నాలజీస్‌, ఎంకే సన్స్‌ ఫైన్‌ జువెల్స్‌, బీఎల్‌ఎస్‌ పాలీమర్స్‌, బాంబే కోటెడ్‌ అండ్‌ స్పెషల్‌ స్టీల్స్‌ ఉన్నాయి. ఈ ఐపీఓల సబ్‌స్ర్కిప్షన్‌ అక్టోబరు 26-29 తేదీల మధ్య ప్రారంభం కానుంది.
ఈఏఏఏ ఇండియా ఆల్టర్నేటివ్స్‌ రూ.1,200 కోట్ల ఐపీఓ అక్టోబరు 26న ప్రారంభమై 28న ముగుస్తుంది. ఒక్కో షేరు ధరను రూ.1,585-1,665గా నిర్ణయించింది.
ఎస్‌ఎ్‌ఫసీ ఎన్విరాన్‌మెంటల్‌ టెక్నాలజీస్‌ రూ.668 కోట్ల ఐపీఓ సబ్‌స్ర్కిప్షన్‌ ఈ నెల 27న ప్రారంభమై 29న ముగుస్తుంది. ఒక్కో షేరు ప్రైస్‌బ్యాండ్‌ రూ.313 -330గా ఉంది. ఇష్యూలో భాగంగా రూ.150 కోట్ల విలువైన తాజా ఈక్విటీ షేర్లను జారీ చేయనున్నారు. 1.57 కోట్ల వరకు షేర్లను ఆఫర్‌ ఫర్‌ సేల్‌ (ఓఎఫ్‌ఎస్‌) ద్వారా ప్రమోటర్లు, ప్రస్తుత వాటాదారులు విక్రయించనున్నారు.
ఎంకే సన్స్‌ ఫైన్‌ జువెల్స్‌ రూ.275.4 కోట్ల ఐపీఓ ఈ నెల 28న ప్రారంభమై 30న ముగియనుంది. ఒక్కో షేరు ధరల శ్రేణి రూ.153-162గా ఉంది. 1.36 కోట్ల తాజా షేర్లు, ఆఫర్‌ ఫర్‌ సేల్‌ రూపంలో 34 లక్షల షేర్లను విక్రయించనున్నారు.
బీఎల్‌ఎస్‌ పాలీమర్స్‌ రూ.255 కోట్ల ఐపీఓతో రానుంది. ఇది అక్టోబరు 27న ప్రారంభమై 29న క్లోజవుతుంది. ప్రైస్‌బ్యాండ్‌ రూ.142-150గా ఖరారు చేసింది. ఐపీలో భాగంగా 1.7 కోట్ల తాజా షేర్లను విక్రయించనున్నారు.
బాంబే కోటెడ్‌ అండ్‌ స్టీల్స్‌ లిమిటెడ్‌ రూ.183.1 కోట్ల ఐపీఓను ఈ నెల 29న ప్రారంభించనుంది. నవంబరు 2న ఇష్యూ ముగుస్తుంది. ప్రైస్‌బ్యాండ్‌ రూ.78-82గా ఉంది.
ఈ వార్తలు కూడా చదవండి:
మరింత తగ్గిన బంగారం ధరలు.. ఈ రోజు మీ నగరంలో ఎలా ఉన్నాయంటే..
మీ-సేవలోడ్రైవింగ్‌ లైసెన్సు వీడియో!
Read Latest AP News And Telangana News And International News And Telugu News