ఆటోను ఢీకొన్న ద్రావిడ్ కారు..

భారత క్రికెట్ దిగ్గజం, టీమిండియా మాజీ కోచ్ రాహుల్ ద్రావిడ్‌ కారు ఓ ఆటోను ఢీకొంది. దీంతో ఆటో డ్రైవర్‌కు, ద్రావిడ్‌కు మధ్య వాగ్వాదం జరిగింది. బెంగళూరు నగరంలో ఈ ఘటన చోటు చేసుకుంది. ఆ ప్రమాదంలో ఎవరికీ గాయాలు కాలేదు. అయితే ఈ ప్రమాదంలో ద్రావిడ్‌ కారు స్వల్పంగా దెబ్బతింది. ఈ సందర్భంగా ద్రావిడ్‌ కన్నడలో మాట్లాడుతూ డ్రైవర్‌తో వాగ్వాదానికి దిగాడు. ఈ ఘటనను అక్కడే ఉన్న వారు వీడియో తీసి, సోషల్ మీడియాలో షేర్ చేయడంతో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు.