Actor Shivaji: నా స్పీచ్‌లో తప్పులు దొర్లాయి.. క్షమించండి: నటుడు శివాజీ

హైదరాబాద్, డిసెంబర్ 24: ‘దండోరా’ చిత్రం ప్రీ రిలీజ్ ఈవెంట్‌లో హీరోయిన్ల వస్త్రధారణ విషయంలో నటుడు శివాజీ (Actor Shivaji) చేసిన వ్యాఖ్యలు తీవ్ర దుమారాన్ని రేపిన విషయం తెలిసిందే. దీంతో వెంటనే దిగిన వచ్చిన నటుడు శివాజీ తాను చేసిన వ్యాఖ్యలకు క్షమాపణలు చెప్పారు. బుధవారం మీడియా సమావేశంలో మాట్లాడుతూ.. తన స్పీచ్‌లో దొర్లిన అసభ్య పదాలకు సారీ చెబుతున్నానని అన్నారు. ఆరోజు స్టేజ్ మీద తనతో పాటు ఉన్న ఆడబిడ్డలకు క్షమాపణలు చెప్పారు. తన 30 ఏళ్ల కెరీర్‌లో ఎప్పుడూ ఇలా జరగలేదన్నారు. మాజీ సీఎం వైఎస్ జగన్‌ను కూడా విమర్శించాను కానీ.. ఇలా ఎప్పుడు అనలేదని చెప్పుకొచ్చారు. తాను ఇచ్చిన స్టేట్‌మెంట్‌కు మాత్రం కట్టుబడే ఉన్నానని.. అయితే ఆ రెండు పదాలు మాత్రం తప్పు అని నటుడు శివాజీ తెలిపారు.

సారీ చెప్పడం నా బాధ్యత..

శివాజీ ఇంకా మాట్లాడుతూ... ‘స్త్రీల గురించి చాగంటి, గరికపాటి సీనియర్స్, జర్నలిస్ట్‌లు, పెద్దలు గతంలో చాలా సార్లు చెప్పారు. నేని నిధి అగర్వాల్‌పై జరిగిన సంఘటన చూసి, సమంతకు జరిగినది చూసి మాట్లాడాను. నేను ఎవ్వరిని ఈ డ్రెస్‌లు వేసుకోండని చెప్పలేదు. సమాజం సినిమాల వల్ల చెడిపోతుందనే వారికి.. అవకాశం ఇవ్వకూడదనేదె నా ఆలోచన. అయినా నోటి నుంచి రెండు రాంగ్ వర్డ్స్ వచ్చాయి. అది నాకు అర్దమయి. వెంటనే నా భార్యకు, కొడుకుకు సారీ చెప్తూ మెసెజ్‌లు పెట్టాను‌. వీడియో కూడా రికార్డు చేశాను. నా కామెంట్స్‌ను చిన్మయి, అనసూయకు సోషల్ మీడియాలో ట్యాగ్ చేశారు. నా ఇంటెన్షన్ బ్యాడ్ కాదు.. ఇప్పటికీ నా నోటి నుంచి ఎలా వచ్చాయనేది అర్దం కావట్లేదు. నేను చేసింది తప్పు అపాలజీ కావాలని చెప్పొచ్చు. సుప్రియ ఫోన్ చెస్తే .. సారీ చెప్పాను. మిగతా వారు ఏపీ, తెలంగాణ ప్రభుత్వం మహిళా కమీషన్ ఇలా ట్యాగ్‌లు చేస్తూ పోయారు. నేను ఎవరితో అయినా మిస్ బిహేవ్ చేశానా.. చేయను కూడా. సారీ చెప్పటం నా బాధ్యత. ఇంతకన్నా పెద్ద ఇష్యూ వచ్చే వరకు నా ఇష్యూ ఇలా వెళుతూనే ఉంటుంది. ఒకవేళ నిధి అగర్వాల్ డ్రెస్ ఆ రోజు జారితే .. ఎంత దారణం. అందుకే జాగ్రత్తగా ఉండమని చెప్పాలనుకున్నాను. అయినా నాకంటే పెద్ద పదాలు ఎవరు వాడలేదా పరిశ్రమలో.. నేను మాత్రం మహిళా కమీషన్‌కు వెళ్లాలా?’ అని ప్రశ్నించారు.

నా ఇంటెన్షన్ అదే..

‘నేను అమరావతి రైతుల కోసం పోరాడను. నా వైపు పొరపాటు జరిగింది. చిన్నయి మహిళా కమీషన్‌కు పెడితే వారు నన్ను రమ్మనటం ఎంటో. నేను వెళతాను.. నా వివరణ ఇచ్చుకుంటాను. భారత రాజ్యంగం హక్కులతో పాటు బాధ్యత కూడా ఇచ్చింది. ప్రొవోకింగ్ ఆల్సో క్రైమ్. డ్రెస్‌లు మీ ఇష్టం.. నేనెవరిని చెప్పటానికి.. హక్కులను హరించటానికి. నిధి అగర్వాల్ కోసం ఉమెన్ ఎవరైనా మాట్లాడారా.. నేను మాట్లాడాను‌. ఆమె బయట నుంచి వచ్చిన అమ్మాయి.. మనం చెప్పాలి జాగ్రత్తగా ఉండమని. సమాజంలో ఎదైనా జరిగితే నేను మాట్లాడతాను. శివాజీ కామెంట్స్ కంటే ముందు చాలా జరిగాయి. వాటిపై ఎందుకు మాట్లాడలేదు.‌ విత్ గుడ్ ఇంటెన్షన్‌లో మాట్లాడినా కూడా ఆ రెండు పదాలు తప్పు‌. నేను తప్పు చెస్తే సారీ చెప్పటానికి వెనకాడను‌. అనసూయ... అసలు మీరెందుకు వచ్చారు ఈ ఇష్యూలోకి. అనసూయ నాకు ఇన్ సెక్యూరిటీ ఉందన్నారు.. ధన్యవాదాలమ్మా. నాకు మా హీరోయిన్స్ ఇబ్బంది పెడతారనే ఇన్ సెక్యూరిటీ ఉంది. అనసూయ మీ రుణం తీర్చుకుంటాను. నాకు ఈ ఇష్యూలో సారీ చెప్పాక ఎంతోమంది ఫోన్ చేశారు. నా ఇంటెన్షన్ ఆడపిల్లలను రక్షించుకోవాలనే’ అని నటుడు శివాజీ స్పష్టం చేశారు.

ఇవి కూడా చదవండి...

వీరన్న హత్య కేసులో వీడిన మిస్టరీ... అసలు నిజం ఇదే

తిప్పలు పెడితే రాసుకోండి.. మిత్తీతో సహా తీర్చేద్దాం: హరీష్ రావు

Read Latest Telangana News And Telugu News