Hyderabad: ఎవరైనా రాంగ్సైడ్ డ్రైవింగ్ చేస్తే.. ఫొటో తీయండి.. పోస్టు చేయండి
ABN , Publish Date - May 02 , 2025 | 08:28 AM
హైదరాబాద్ నగరంలో రోడ్డు ప్రమాదాల నివారణకు అధికారులు కట్టుదిట్టమైన ఏర్పాట్లను చేస్తున్నారు. దీనిలో భాగంగా ఓ వాట్సాప్ నంబరును కేటాయించారు. ఎవరైనా రాంగ్ సైడ్ లో డ్రైవింగ్ చేస్తే ఫొటో తీసి ఈ వాట్సాప్ నెంబర్ కు పంపించాలని సూచిస్తున్నారు.
హైదరాబాద్ సిటీ: రోడ్డు ప్రమాదాలకు కారణమవుతున్న రాంగ్సైడ్ డ్రైవింగ్(Wrong-side driving)ను నివారించేందుకు సైబరాబాద్ ట్రాఫిక్ పోలీసులు వినూత్న ప్రచారాన్ని చేపట్టారు. సోషల్ మీడియా వేదికగా ‘ఎవరైనా రాంగ్సైడ్ డ్రైవింగ్ చేస్తున్నారా..? అయితే ఫొటో తీయండి.. ఫిర్యాదు చేయండి’ అంటూ సైబరాబాద్ ట్రాఫిక్ పోలీసులు(Cyberabad Traffic Police) పిలుపునిస్తున్నారు. ట్రాఫిక్ రద్దీ నియంత్రణ కోసం చాలాచోట్ల ట్రాఫిక్ పోలీసులు క్రాస్రోడ్లను మూసివేసి కొంత దూరంలో యూటర్న్ పాయింట్లను ఏర్పాటు చేశారు.
ఈ వార్తను కూడా చదవండి: Hyderabad: ఆన్లైన్లో నంబర్ కోసం వెతికి.. నేరగాళ్లకు చిక్కి..
వాహనదారులు ఈ నిబంధనను అనుసరించకుండా రాంగ్సైడ్లో డ్రైవింగ్ చేసుకుంటూ వస్తుండడంతో ఎదురుగా వస్తున్న వాహనాలను ఢీకొంటూ ప్రమాదాలకు గురవుతున్నాయి. ఈ నేపథ్యంలో రాంగ్ సైడ్ డ్రైవింగ్ను నివారించేందుకు ప్రజలే ఫిర్యాదులు చేసే అవకాశం పోలీసులు కల్పించారు. ఫిర్యాదును ఫొటో లేదా వీడియో రూపంలో తీసి వాట్సాప్ నంబరు 9490617346కు పంపించాలని ట్రాఫిక్ పోలీసు విభాగం ప్రచారాన్ని చేపట్టింది.
ఈ వార్తలు కూడా చదవండి
Gold Rates Today: బంగారం, వెండి ధరలు మళ్లీ తగ్గాయోచ్..ఎంతకు చేరాయంటే..
Financial Aid: పుస్తకాల ముద్రణకు తెలుగు వర్సిటీ ఆర్థిక సహాయం
డ్రగ్స్ రహిత రాష్ట్రంగా మార్చడమే లక్ష్యం
Gold Smuggling: శంషాబాద్ విమానాశ్రయంలో 3.5 కిలోల బంగారం పట్టివేత
Read Latest Telangana News and National News
