India Wins Asia Cup 2025 Hockey: ఆసియా కప్ ఫైనల్‌లో భారత్ వీరోచిత విజయం..

బిహార్ రాజగిర్‌లో జరిగిన ఆసియా కప్ హాకీ టోర్నమెంట్‌లో భారత్‌ మరోసారి సత్తా (India Wins Asia Cup 2025 Hockey) చాటింది. ఉత్కంఠభరితంగా సాగిన ఫైనల్‌ మ్యాచ్‌లో దక్షిణ కొరియాపై భారత్‌ 4-1 గోల్స్‌ తేడాతో ఘన విజయం సాధించి, నాలుగో టైటిల్ దక్కించుకుంది. ఈ గెలుపుతో భారత్‌కు 8 ఏళ్ల తర్వాత ఆసియా కప్‌ మళ్లీ దక్కింది.

ఈ విజయంతో భారత జట్టు రాబోయే 2026 హాకీ వరల్డ్‌కప్‌‌కు అర్హత సాధించింది. మ్యాచ్‌ ప్రారంభమైన తొలి నిమిషానికే సుఖజీత్ సింగ్ ఫీల్డ్‌ గోల్‌ చేసి దక్షిణ కొరియాపై భారత ఆధిక్యానికి బీజం వేశాడు. ఆ తర్వాత భారత్‌ ఆత్మవిశ్వాసంతో మ్యాచ్ కొనసాగించి విజయం సాధించింది.

దిల్‌ప్రీత్‌ సింగ్‌ డబుల్‌..

ఈ మ్యాచ్‌లో అసలైన హీరోగా నిలిచాడు దిల్‌ప్రీత్‌ సింగ్‌. రెండో క్వార్టర్‌లో ఒక గోల్‌, మూడో క్వార్టర్‌లో మరో గోల్‌ చేసి తనదైన శైలిలో మ్యాచ్‌ను డామినేట్‌ చేశాడు. అతని వేగం, కూల్‌ ఫినిషింగ్‌ అభిమానులను ఆకట్టుకుంది. ఇలా రెండు గోల్స్‌తో దిల్‌ప్రీత్‌ భారత్‌ విజయంలో కీలక పాత్ర పోషించాడు.

దక్షిణ కొరియా గోల్స్‌ కోసం పలుమార్లు ప్రయత్నించినా, భారత గోల్‌కీపర్‌ అద్భుతమైన సేవ్‌లు చేసి ప్రతి ప్రయత్నాన్ని విఫలం చేశాడు. ఆ క్రమంలో భారత డిఫెన్స్‌ కొరియా దాడులను సమర్థంగా అడ్డుకుంది. చివరికి ఒక్క గోల్‌కే పరిమితమైన దక్షిణ కొరియా అనేక సార్లు ప్రయత్నించినా ప్రయోజనం లేకుండా పోయింది.

చరిత్ర తిరగరాసిన రోజు

ఈ గెలుపుతో ఆసియా హాకీ చరిత్రలో భారత్‌ సరికొత్త రికార్డ్ సృష్టించింది. 2017 తర్వాత మళ్లీ ఈ టైటిల్‌ను గెలవడం మామూలు విషయం కాదు. కొత్త జట్టు, యువ ఆటగాళ్లతో కూడిన ఈ టీమ్‌ ఇప్పుడు 2026 వరల్డ్‌ కప్‌ కోసం సిద్ధమవుతోంది.

ఫైనల్‌కు ముందు భారత జట్టు ప్రదర్శన

భారత్ సెమీఫైనల్లో సమానమైన సూపర్ 4 మ్యాచ్‌లో చైనా మీద 7-0 తేడాతో విజయం సాధించింది. ఆ మ్యాచ్‌లో అభిషేక్ రెండు గోల్స్ (46వ, 50వ నిమిషాల్లో), అలాగే శిలానంద్ లక్రా, దిల్‌ప్రీత్ సింగ్, మందీప్ సింగ్, రాజ్ కుమార్ పాల్, సుఖజీత్ సింగ్ గోల్స్ చేశారు.

ఇవి కూడా చదవండి

మరో స్కామ్‌ అలర్ట్.. మీ డబ్బు, ఫోన్‌ను ఇలా కాపాడుకోండి

సెప్టెంబర్ 2025లో బ్యాంక్ సెలవుల పూర్తి లిస్ట్..

మరిన్ని జాతీయ, తెలుగు వార్తల కోసం క్లిక్ చేయండి