Gangamma Jathara 2025: 900 ఏళ్ల చరిత్ర కలిగిన ఈ జాతర గురించి మీకు తెలుసా
ABN, Publish Date - May 08 , 2025 | 07:19 AM
తిరుపతిలోని శ్రీ తాతయ్య గుంట గంగమ్మ జాతరకు 900 ఏళ్ల చర్రిత ఉంది. ప్రతీ ఏడాది మే నెలలో ఏడు రోజుల పాటు జాతరను వైభవంగా నిర్వహించటం ఆనవాయితీగా వస్తోంది. గంగమ్మ జాతరకు ఏపీ ప్రభుత్వం ప్రత్యేక ఏర్పాట్లు చేసింది. అయితే ఈ జాతరను రాష్ట్ర పండుగగా ఏపీ ప్రభుత్వం ప్రకటించింది. బుధవారం నాడు జాతర ఘనంగా ప్రారంభమైంది. ఈ జాతరలో బైరాగి వేషంలో భక్తులు గంగమ్మకు మొక్కులు చెల్లించుకున్నారు. బుధవారం నుంచి ఈనెల 14వ తేదీ వరకు ఈ జాతర అత్యంత వైభవంగా జరుగనున్నది.
1/22
తిరుపతిలోని శ్రీ తాతయ్య గుంట గంగమ్మ జాతరకు 900 ఏళ్ల చర్రిత ఉంది.
2/22
ప్రతీ ఏడాది మే నెలలో ఏడు రోజుల పాటు జాతరను వైభవంగా నిర్వహించటం ఆనవాయితీగా వస్తోంది.
3/22
గంగమ్మ జాతరకు ఏపీ ప్రభుత్వం ప్రత్యేక ఏర్పాట్లు చేసింది. అయితే ఈ జాతరను రాష్ట్ర పండుగగా ఏపీ ప్రభుత్వం ప్రకటించింది.
4/22
జాతరకు ముందు బుధవారం ఉదయం 7 గంటలకు గంగమ్మ ఆలయంలోని విశ్వరూప స్థూపానికి పరిమళ, పవిత్ర జలాలతో అభిషేకం చేసి వడిబాల కట్టడంతో జాతర ప్రాధాన్యత సంతరించుకుంటుంది.
5/22
ఈ జాతరలో బైరాగి వేషంలో భక్తులు గంగమ్మకు మొక్కులు చెల్లించుకున్నారు.
6/22
బుధవారం నుంచి ఈనెల 14వ తేదీ వరకు ఈ జాతర అత్యంత వైభవంగా జరుగనున్నది.
7/22
బుధవారం నుంచి రోజుకో వేషంలో గ్రామదేవతకు భక్తులు మొక్కులు చెల్లించుకుంటారు.
8/22
ఏడు రోజుల పాటు జరిగే ఈ జాతరకు వివిధ ప్రాంతాల నుంచి వేలాది మంది భక్తులు తిరుపతికి తరలివస్తున్నారు.
9/22
వేలాది మంది భక్తులు చిత్ర, విచిత్ర వేషాలు ధరించి అమ్మవారిని దర్శించుకుంటారు.
10/22
కాగా పుష్ప- 2 సినిమాలోనూ సినీ నటుడు అల్లు అర్జున్ స్త్రీ పాత్ర వేషధారణలో కనిపించిన విషయం తెలిసిందే. గంగమ్మ జాతరకు సంబంధించిన కొన్ని సీన్లు ఈ సినిమాలో కనిపిస్తాయి.
11/22
7వ తేదీ బైరాగి వేషంతో జాతర మొదలై బండవేషం, తోటివేషం, దొరవేషం, మాతంగివేషం వరకు పలు వేషాలతో ఈ జాతర సాగుతుంది.
12/22
భక్తులు తారతమ్యం లేకుండా పలు వేషాలు వేయడానికి పోటీపడతారు.
13/22
12వ తేదీ సున్నపుకుండల వేషాలను ఇద్దరు కైకాల కులస్తులు వేస్తారు. వీరు చిన్న గంగమ్మ, పెద్ద గంగమ్మలకు ప్రతీకలుగా భక్తులచేత పూజలు అందుకుంటారు.
14/22
13వ తేదీ మంగళవారం అసలు జాతర సంబరం ప్రారంభమవుతుంది.
15/22
అమ్మవారికి ప్రత్యేక అభిషేకానంతరం వజ్రకిరీటంలో దర్శనమిచ్చే గంగమ్మను దర్శించుకునేందుకు భక్తులు అధికసంఖ్యలో ఆలయానికి పోటెత్తుతారు. విశేషంగా పొంగళ్లు, జంతుబలులు అమ్మవారికి మొక్కుగా చెల్లిస్తారు.
16/22
గంగమ్మ ఆలయం ముందు విశ్వరూప స్థూపానికి బంకమన్నుతో అమ్మవారి విశ్వరూపాన్ని తయారు చేస్తారు.
17/22
14వ తేదీ వేకువజామున విశ్వరూప ప్రతిమ చెంప తొలగించడంతో జాతర పరిసమాప్తమవుతుంది.
18/22
అన్ని శాఖల అధికారులు సమన్వయంతో పనిచేస్తూ జాతరను పండుగ వాతావరణంలో నిర్వహించాలని తిరుపతి కలెక్టర్ ఆదేశించారు.
19/22
భక్తుల రద్దీకి అనుగుణంగా భద్రతా ఏర్పాట్లు చేయాలని తిరుపతి ఎస్పీ ఆదేశించారు.
20/22
తిరుపతి కలెక్టర్, ఎస్పీ ఆలయాన్ని పరిశీలించి, సంబంధిత అధికారులకు, పోలీసులకు తగు సూచనలు ఇచ్చారు.
21/22
ఈ జాతరతో తిరుపతి పుర వీధులన్నీ గంగమ్మ పునకాలతో హోరెత్తుతున్నాయి. అయితే.. ఈ జాతర జరిగినన్ని రోజులు గ్రామస్తులు ఊరి విడిచి వెళ్లకూడదని విశ్వసిస్తారు.
22/22
ఆలయ ప్రాంగణం విద్యుత్‌ దీప కాంతులతో శోభాయమానంగా కనిపిస్తోంది.
Updated at - May 08 , 2025 | 07:53 AM
