CM Chandrababu: అనకాపల్లికి సీఎం చంద్రబాబు.. మంత్రులు, నేతల ఘన స్వాగతం

ముఖ్యమంత్రి నారా చంద్రబాబు నాయుడు అనకాపల్లి జిల్లాకు చేరుకున్నారు. జిల్లా పర్యటనలో భాగంగా ఉగ్గినపాలెం హెలిపాడ్‌లో దిగిన సీఎంకు స్పీకర్, మంత్రులు, ఎంపీలు, తదితరులు స్వాగతం పలికారు. స్పీకర్ చింతకాయల అయ్యన్నపాత్రుడు, ఇంచార్జి మంత్రి కొల్లు రవీంద్ర, హోం మంత్రి వంగలపూడి అనిత, ఎంపీ సీఎం రమేష్, అనకాపల్లి ఎమ్మెల్యే కొణతాల రామకృష్ణ, పలువురు అధికారులు సీఎంకు స్వాగతం పలికిన వారిలో ఉన్నారు. జిల్లా పర్యటనలో పలు కార్యక్రమాల్లో ముఖ్యమంత్రి చంద్రబాబు పాల్గొంటారు. సీఎం పర్యటన నేపథ్యంలో జిల్లా అధికారులు అన్ని ఏర్పాట్లు చేశారు.