Omar Abdullah: కాంగ్రెస్ ఓట్ చోరీ ప్రచారంతో ఇండియా కూటమికి సంబంధం లేదు

శ్రీనగర్: కాంగ్రెస్ పార్టీ చేపట్టిన 'ఓచ్ చోరీ' (Vote Chori) ప్రచారంపై 'ఇండియా' కూటమిలోని నేషనల్ కాన్ఫరెన్స్ (NC) నేత, జమ్మూకశ్మీర్ ముఖ్యమంత్రి ఒమర్ అబ్దుల్లా (Omar Abdullah) ఆసక్తికరమైన వ్యాఖ్యలు చేశారు. ఓట్ల చోరీ అంశాన్ని కాంగ్రెస్ పార్టీ లేవనెత్తుతోందని, దీనికి 'ఇండియా'కూటమితో ఎలాంటి సంబంధం లేదని చెప్పారు. ప్రతి పార్టీ తమ ఎజెండాను ఎంచుకుంటుందని, కాంగ్రెస్ పార్టీ తమ ప్రధాన అంశాలుగా ఎస్ఐఆర్ (SIR), ఓట్ చోరీని ఎంచుకుందని, వాళ్లకు ఏంచేయాలో చెప్పేందుకు తామెవరిమని ప్రశ్నించారు. 'వాళ్ల అంశాలను వాళ్లు ఎంచుకుంటారు, మా అంశాలను మేము ఎంచుకుంటాం' అని సోమవారంనాడిక్కడ మీడియాతో మాట్లాడుతూ ఆయన చెప్పారు

కాంగ్రెస్ పార్టీ ఓట్ చోరీ అంశంపై తమ వాదనను ఉధృతం చేస్తూ న్యూఢిల్లీలో ఆదివారంనాడు మెగా ర్యాలీ నిర్వహించింది. ఓటింగ్ ప్రక్రియను తారుమారు చేసేందుకు బీజేపీతో ఎన్నికల కమిషన్ కుమ్మక్కయిందని కాంగ్రెస్ పార్టీ ఆరోపించింది. అయితే ఈ ఆరోపణలను బీజేపీ, ఈసీ ఖండించాయి.

లైఫ్ సపోర్ట్‌పై కాంగ్రెస్

నేషనల్ కాన్ఫరెన్స్ చీఫ్ ఒమర్ అబ్దుల్లా ఇటీవల కూడా 'ఇండియా' కూటమిపై సంచలన వ్యాఖ్యలు చేశారు. ఇండియా కూటమి ప్రస్తుతం వెంటిలేటర్‌పై ఉందన్నారు. బిహార్ సీఎం నితీశ్‌ కుమార్‌‌ను మళ్లీ ఎన్డీయేకు తాము (INDIA allianae) నెట్టేసినట్టు అనిపిస్తోందని వ్యాఖ్యానించారు. ఇండియా కూటమి కోలుకుంటోందని అనుకుంటున్న దశలో బిహార్ ఫలితాలతో పరిస్థితి మళ్లీ దిగజారిందన్నారు. బిహార్‌లో జేఎంఎం పార్టీని మహాగఠ్‌బంధన్‌లో చేర్చుకోకపోవడాన్ని నిలదీశారు. రేపు జేఎంఎం కూటమి జాతీయ స్థాయిలో 'ఇండియా' కూటమిని వీడినట్లయితే తప్పెవరిదవుతుందని ఒమర్ ప్రశ్నించారు. 'ఇండియా' కూటమిలోని భాగస్వామ్య పక్షాలన్నీ ఒకటిగా పనిచేయాలని, లేనట్లయితే రాష్ట్రాలకే పరిమితమైన కూటములుగా మిగిలిపోతాయని అన్నారు. ఇండియా కూటమిగా మనం చెప్పుకోవాలనుకుంటే మరింత సమగ్రతను సాధించాల్సి ఉంటుందని సూచించారు.

ఇవి కూడా చదవండి..

నియంత భయపడుతున్నారు... మమతపై బీజేపీ వివాదాస్పద పోస్టు

అయోధ్య ఉద్యమ నేత, మాజీ ఎంపీ రామ్‌విలాస్ వేదాంతి కన్నుమూత

మరిన్ని జాతీయ, అంతర్జాతీయ వార్తల కోసం క్లిక్ చేయండి