Heavy Rains: బంగాళాఖాతంలో ఉపరితల ద్రోణి.. 9వరకు భారీ వర్షాలు

- రాష్ట్రానికి భారీ వర్షసూచన

చెన్నై: బంగాళాఖాతంలో ఏర్పడిన ఉపరితల ద్రోణి రాష్ట్రంలో విస్తరించిన కారణంగా ఈ నెల 9వ తేదీ గురువారం వరకు పలు ప్రాంతాల్లో భారీ వర్షాలు(Heavy Rains) కురిసే అవకాశముందని ప్రాంతీయ వాతావరణ పరిశోధన కేంద్రం తెలిపింది. కోస్తాంధ్రా నుంచి రాయలసీమ(Rayalaseema), తమిళనాడు మీదుగా కొమరిన్‌ ప్రాంతం వరకు ఉపరితల ద్రోణి విస్తరించిందని దీని ప్రభావంతో వాతావరణంలో అనిచ్చితి నెలకొనడంతో ఆదివారం నుంచి తమిళనాడు, పుదుచ్చేరి(Tamilnadu, Puducheri) రాష్ట్రాల్లో భారీ నుంచి మోస్తరు వర్షాలు కురుస్తున్నాయి.

9వ తేది గురువారం వరకు కోవై, తిరునల్వేలి, కన్నియాకుమారి జిల్లాల్లోని కొండప్రాంతాలు, నీలగిరి, దిండుగల్‌, తేని, తెన్‌కాశి, మదురై, విరుదునగర్‌, శివగంగ జిల్లాల్లో ఉరుములు, పిడుగులు, ఈదురుగాలులతో కూడిన వర్షాలు కురుస్తాయని వాతావరణశాఖ హెచ్చరించింది. ఈ నేపథ్యంలో.. విల్లుపురం(Villupuram), కళ్లకురుచ్చి, కడలూరు, కృష్ణగిరి, ధర్మపురి, సేలం, తిరుపత్తూరు జిల్లాలలో అతిభారీ వర్షాలు కురిసే అవకాశాలున్నాయని ఐఎండీ తెలిపింది.

ఈ వార్తలు కూడా చదవండి..

పసిడి పరుగులు.. ఈ రోజు బంగారం, వెండి ధరలు ఎలా ఉన్నాయంటే..

ఆల్మట్టి ఎత్తు తగ్గింపుపై హామీతో రావాలి

బీసీ రిజర్వేషన్లపై కాంగ్రెస్‌ రాజకీయం

Read Latest Telangana News and Nationa