IRCTC Jyotirlinga Tour: 7 జ్యోతిర్లింగాల యాత్ర ప్యాకేజీని ప్రకటించిన భారత రైల్వే..రేట్లు ఎలా ఉన్నాయంటే..

ABN , Publish Date - Sep 07 , 2025 | 04:53 PM

మీరు ఎప్పటినుంచో జ్యోతిర్లింగాలను దర్శించుకోవాలని చూస్తున్నారా. అలాంటి వారి కోసం భారతీయ రైల్వే ఓ అద్భుతమైన యాత్రను ప్రకటించింది. ట్రైన్ ద్వారా 7 జ్యోతిర్లింగాల యాత్రను తక్కువ ఖర్చుతో ప్రయాణించవచ్చు. ఆ వివరాలేంటో ఇక్కడ తెలుసుకుందాం.

IRCTC Jyotirlinga Tour

శివ భక్తుల కోసం భారతీయ రైల్వే గుడ్ న్యూస్ తెలిపింది. ఈ క్రమంలో IRCTC ఏడు జ్యోతిర్లింగాల యాత్రను (Jyotirlinga Tour) ప్రకటించింది. భారత్ గౌరవ్ ట్రైన్ ద్వారా ఈ 12 రోజుల యాత్రలో ఏడు పవిత్ర జ్యోతిర్లింగాలను సందర్శించే అవకాశం లభిస్తుంది. ఈ యాత్ర నవంబర్ 18న రిషికేశ్ రైల్వే స్టేషన్ నుంచి ప్రారంభమవుతుంది. శివుడి పవిత్ర ఆలయాలను దర్శించడంతో పాటు, ఈ యాత్రలో భక్తులకు అనేక సౌకర్యాలు ఏర్పాటు చేస్తారు. ఆ వివరాలను ఇక్కడ చూద్దాం.

ఏ జ్యోతిర్లింగాలను దర్శించుకోవచ్చు?

ఓంకారేశ్వర్: మధ్యప్రదేశ్‌లోని ఈ పవిత్ర ఆలయం నర్మదా నది తీరంలో ఉంది.
మహా కాళేశ్వర్: ఉజ్జయినిలో ఉన్న ఈ ఆలయం శివుడి అత్యంత పవిత్ర క్షేత్రాలలో ఒకటి.
నాగేశ్వర్: గుజరాత్‌లోని ఈ ఆలయం ద్వారకకు సమీపంలో ఉంది.
సోమనాథ్: గుజరాత్‌లోని సముద్రతీరంలో ఉన్న పురాతన జ్యోతిర్లింగం.
త్రయంబకేశ్వర్: మహారాష్ట్రలోని నాసిక్ సమీపంలో కలదు.
భీమాశంకర్: పూణే సమీపంలో సహ్యాద్రి పర్వతాలలో ఉంది.
గృష్ణేశ్వర్: ఔరంగాబాద్ సమీపంలో ఈ ఆలయం కలదు.
ఈ యాత్రలో ద్వారకాధీశ్, బెట్ ద్వారక వంటి ఇతర ముఖ్యమైన పుణ్యక్షేత్రాలను కూడా సందర్శించవచ్చు. ఈ పవిత్ర స్థలాలన్నీ శివ భక్తులకు ఆధ్యాత్మిక ఆనందాన్ని అందిస్తాయి.

టికెట్ ఎలా బుక్ చేసుకోవాలి? ధరలు ఎంత?

ఈ యాత్ర కోసం టికెట్లను IRCTC అధికారిక వెబ్‌సైట్ లేదా అధికారిక యాప్స్ ద్వారా బుక్ చేసుకోవచ్చు. ధరలు మీరు ఎంచుకునే కేటగిరీపై ఆధారపడి ఉంటాయి.
కంఫర్ట్ (2AC): ఒక్కొక్కరికీ రూ. 54,390
స్టాండర్డ్ (3AC): ఒక్కొక్కరికీ రూ. 40,890
ఎకానమీ (స్లీపర్): ఒక్కొక్కరికీ రూ. 24,100 రూపాయలు
భారత్ గౌరవ్ యోజన కింద 33% వరకు డిస్కౌంట్ ఉంది.

ప్యాకేజీలో ఏం ఉన్నాయి?