Consumer Redressal: వేగంగా వినియోగదారుల పరిష్కార కేసులు..ఒక్క నెలలోనే రూ.2.72 కోట్ల రీఫండ్లు
ABN , Publish Date - Aug 22 , 2025 | 06:21 PM
వినియోగదారుల హక్కులను కాపాడేందుకు నేషనల్ కన్స్యూమర్ ఫోరం అప్రమత్తంగా వ్యవహరిస్తున్నట్లు తెలిపింది. ఈ క్రమంలో ఒక్క నెలలోనే 27 రంగాల్లోని 7,256 ఫిర్యాదులు పరిష్కరించి రూ. 2.72 కోట్లు రీఫండ్ చేసినట్లు ప్రకటించింది.
ఇండియాలో ఈ-కామర్స్ రంగం వేగంగా అభివృద్ధి చెందుతోంది. ఈ క్రమంలో ఆన్లైన్ షాపింగ్ ఈజీగా మారిన నేపథ్యంలో పలువురు కస్టమర్లకు సమస్యలు కూడా ఇదే స్థాయిలో పెరుగుతున్నాయి. ముఖ్యంగా రీఫండ్లకు సంబంధించిన సమస్యలు ఎక్కువవుతున్నాయి. జూలై 2025లో మాత్రమే 3,594 రీఫండ్ ఫిర్యాదులు నమోదయ్యాయి. దీనివల్ల కంపెనీలు వినియోగదారులకు మొత్తం రూ. 1.34 కోట్లు రీఫండ్ చేయాల్సి వచ్చింది. ఈ గణాంకాలు వినియోగదారుల అవగాహన, రక్షణ అవసరాన్ని ప్రస్తావిస్తున్నాయి. ఈ-కామర్స్ వృద్ధితో పాటు బాధ్యతాయుతమైన సేవలు కల్పించాల్సిన అవసరం (Consumer Redressal) స్పష్టమవుతోంది.
హెల్ప్ లైన్ ద్వారా..
ఇండియాలో ఈ-కామర్స్ రంగం బాగా పెరిగింది. కానీ దీంతో పాటు వినియోగదారుల ఫిర్యాదులు కూడా పెరిగాయి. జూలై 2025లో ఈ-కామర్స్ రంగంలో రిఫండ్కు సంబంధించిన 3,594 ఫిర్యాదులు నమోదయ్యాయి. వీటికి కలిపి రూ. 1.34 కోట్లు రీఫండ్లుగా వినియోగదారులకు తిరిగి చెల్లించబడ్డాయి. ఇది నేషనల్ కన్స్యూమర్ హెల్ప్లైన్ (NCH) ద్వారా సాధ్యమైంది. మొత్తంగా జూలై నెలలో 27 రంగాల్లో 7,256 ఫిర్యాదులు పరిష్కరించి రూ. 2.72 కోట్లు రీఫండ్ చేశారు. ఈ-కామర్స్ తర్వాత అత్యధిక ఫిర్యాదులు వచ్చిన రంగం ట్రావెల్ అండ్ టూరిజం, ఇందులో రూ. 31 లక్షల విలువైన రీఫండ్లు జరిగాయి.
వినియోగదారులకు సహాయపడే టెక్నాలజీ
గత కొంతకాలంగా NCH డిజిటల్ రూపంలో మారిపోయి, వినియోగదారుల కోసం మరింత అందుబాటులోకి వచ్చింది. ఒకప్పుడు డిసెంబర్ 2015లో కేవలం 12,553 కాల్స్ మాత్రమే వచ్చేవి. కానీ డిసెంబర్ 2024 నాటికి 1,55,138 కాల్స్ స్వీకరించినట్లు ప్రకటించారు. ఇది దాదాపు పది రెట్లు అధికం కావడం విశేషం. అలాగే 2017లో సగటున నెలకు 37,062 ఫిర్యాదులు మాత్రమే నమోదు అయ్యేవి. ఇప్పుడు అది 2024 నాటికి 1,11,951 ఫిర్యాదులకి పెరిగింది. దీని వల్ల వినియోగదారులు తమ సమస్యలు చెప్పేందుకు మంచి అవకాశాలు లభిస్తున్నాయి.
WhatsApp ద్వారా ఫిర్యాదు
మార్చ్ 2023లో కేవలం 3% వినియోగదారులు మాత్రమే WhatsApp ద్వారా ఫిర్యాదు చేసేవారు. కానీ మార్చ్ 2025 నాటికి ఇది 20%కి పెరిగింది. NCH టోల్-ఫ్రీ నంబర్ 1915కి కూడా ఫిర్యాదు చేయవచ్చు. consumerhelpline.gov.in వెబ్సైట్ ద్వారా కూడా మీరు సంప్రదించవచ్చు. NCH అనేది కేవలం హెల్ప్డెస్క్ మాత్రమే కాదు. ఇది వినియోగదారులు, ప్రైవేట్ కంపెనీలు, ప్రభుత్వ శాఖలు, రెగ్యులేటరీ బాడీలు అందరినీ కలిపే ఒక యూనిఫైడ్ ప్లాట్ఫామ్.
ఇవి కూడా చదవండి
అర్జెంటుగా డబ్బు అవసరం.. పర్సనల్ లోన్ తీసుకోవాలా? గోల్డ్ బెటరా?
మీ లోన్ ఇంకా మంజూరు కాలేదా..ఇవి పాటించండి, వెంటనే అప్రూవల్
మరిన్ని జాతీయ, తెలుగు వార్తల కోసం క్లిక్ చేయండి
