Next Week IPOs: వచ్చే వారం ఐపీఓల హడావిడి.. 10 కొత్త ఐపీఓలు, 8 లిస్టింగ్లు
ABN , Publish Date - Aug 24 , 2025 | 02:51 PM
దేశీయ స్టాక్ మార్కెట్లో మళ్లీ ఐపీఓల జోరు మొదలైంది. ఆగస్టు 25 నుంచి ప్రారంభమయ్యే వారంలో ట్రేడింగ్ 4 రోజులకే పరిమితమైనా, ఐపీఓల హడావుడితో రసవత్తరంగా మారనుంది. ఆ వివరాలేంటో ఇక్కడ చూద్దాం.
దేశీయ స్టాక్ మార్కెట్లో మళ్లీ ఐపీఓల వీక్ రానే వచ్చింది. ఆగస్టు 25 నుంచి మొదలయ్యే వారంలో ఐపీఓ మార్కెట్ ఫుల్ జోష్తో ఉండబోతోంది. ఈ వారం కేవలం నాలుగు రోజులు మాత్రమే మార్కెట్ ఉంటుంది (Next Week IPOs august 25th 2025). ఎందుకంటే ఆగస్టు 27న గణేష్ చతుర్థి సందర్భంగా స్టాక్ మార్కెట్ మూసివేయబడుతుంది. అయినప్పటికీ, ఈ నాలుగు రోజుల్లో రూ.1240 కోట్ల విలువైన 10 ఐపీఓలు సబ్స్క్రిప్షన్ కోసం ఓపెన్ అవుతున్నాయి. అలాగే 8 కంపెనీల షేర్లు స్టాక్ మార్కెట్లో లిస్ట్ అవుతాయి. ఆ వివరాలను ఇక్కడ తెలుసుకుందాం.
ఆగస్టు 25 నుంచి రానున్న కొత్త ఐపీఓలు
వచ్చే వారం 10 ఐపీఓలు సబ్స్క్రిప్షన్ కోసం ఓపెన్ అవుతాయి. వీటిలో రెండు మెయిన్బోర్డ్ ఐపీఓలు, మిగిలినవి SME విభాగంలో ఉన్నాయి. మెయిన్బోర్డ్ ఐపీఓలు BSE, NSEలో లిస్ట్ అవుతాయి.
విక్రాన్ ఇంజనీరింగ్: ఈ కంపెనీ విద్యుత్ ప్రసారం, నీటి మౌలిక సదుపాయాల సేవలను అందిస్తుంది. దీని రూ. 772 కోట్ల ఐపీఓ ఆగస్టు 26 నుంచి 29 వరకు ఓపెన్ అవుతుంది. షేరు ధరల బ్యాండ్ రూ.92-రూ.97.
ఎన్లాన్ హెల్త్కేర్: ఫార్మా రంగంలో పనిచేసే ఈ కంపెనీ APIలు యాక్టివ్ ఫార్మా పదార్థాలను తయారు చేస్తుంది. దీని రూ. 121 కోట్ల ఐపీఓ కూడా ఆగస్టు 26-29 మధ్య ఓపెన్ అవుతుంది, షేరు ధరల బ్యాండ్ రూ. 86- రూ.91.
SME ఐపీఓలు
SME విభాగంలో కూడా ఆసక్తికరమైన ఐపీఓలు ఉన్నాయి. ఇవి చిన్న కంపెనీలైనా, మంచి రిటర్న్స్ ఇచ్చే అవకాశం ఉంది.
NIS మేనేజ్మెంట్: సెక్యూరిటీ, ఫెసిలిటీ మేనేజ్మెంట్ సేవలు అందించే ఈ కంపెనీ రూ. 60 కోట్ల ఐపీఓ ఆగస్టు 25-28 మధ్య ఓపెన్ అవుతుంది. షేరు ధరల బ్యాండ్ రూ. 105-రూ.111.
గ్లోబ్టియర్ ఇన్ఫోటెక్: IT సొల్యూషన్స్ అందించే ఈ కంపెనీ రూ. 31 కోట్ల ఐపీఓ కూడా ఆగస్టు 25-28 మధ్య ఓపెన్ అవుతుంది. షేరు ధర రూ. 72.
సత్త్వ ఇంజనీరింగ్: నీటి మౌలిక సదుపాయాలు, వ్యర్థ జలాల నిర్వహణ సేవలు అందించే ఈ కంపెనీ రూ.35.4 కోట్ల ఐపీఓ ఆగస్టు 26-29 మధ్య ఓపెన్ అవుతుంది. షేరు ధరల బ్యాండ్ రూ.70-75.
కరెంట్ ఇన్ఫ్రాప్రాజెక్ట్స్: EPC కంపెనీ అయిన ఈ కంపెనీ రూ.41.8 కోట్ల ఐపీఓ ఆగస్టు 26-29 మధ్య ఓపెన్ అవుతుంది. షేరు ధరల బ్యాండ్ రూ.76-రూ.80.
చమురు, గ్యాస్ రంగం ఐపీఓ: రూ.46.74 కోట్ల ఈ ఐపీఓ ఆగస్టు 28 నుంచి సెప్టెంబర్ 1 వరకు ఓపెన్ అవుతుంది. షేరు ధరల బ్యాండ్ రూ.80-రూ.85.
ఆగస్టు 29న మూడు SME ఐపీఓలు - సగ్స్ లాయిడ్ (రూ.85.66 కోట్ల, రూ.117-రూ.123), అబ్రిల్ పేపర్ టెక్ (రూ.13.42 కోట్ల, రూ.61), స్నేహా ఆర్గానిక్స్ (రూ.32.68 కోట్ల, రూ.115-రూ.122) - సెప్టెంబర్ 1న ముగుస్తాయి.
ఇప్పటికే ఓపెన్లో ఉన్న ఐపీఓలు
కొన్ని ఐపీఓలు ఇప్పటికే ఓపెన్లో ఉన్నాయి, వీటిలో ఈ వారంలో కూడా పెట్టుబడి పెట్టవచ్చు:
ARC ఇన్సులేషన్ & ఇన్సులేటర్స్: ఆగస్టు 25 వరకు.
క్లాసిక్ ఎలక్ట్రోడ్స్ (ఇండియా), శివశ్రిత్ ఫుడ్స్, అనందితా మెడికేర్: ఆగస్టు 26 వరకు.
ఈవారం మార్కెట్లోకి ఎంట్రీ ఇస్తున్న కంపెనీలు
ఈ వారం 8 కంపెనీల షేర్లు స్టాక్ మార్కెట్లో లిస్ట్ అవుతాయి.
ఆగస్టు 26: పటేల్ రిటైల్, విక్రమ్ సోలార్, జెమ్ అరోమాటిక్స్, శ్రీజీ షిప్పింగ్ గ్లోబల్.
ఆగస్టు 28: మంగళ్ ఎలక్ట్రికల్ ఇండస్ట్రీస్.
ఆగస్టు 25: స్టూడియో LSD.
ఆగస్టు 26: LGT బిజినెస్ కనెక్షన్స్.
ఆగస్టు 29: ARC ఇన్సులేషన్ & ఇన్సులేటర్స్.
ఇవి కూడా చదవండి
సెప్టెంబర్ 2025లో బ్యాంక్ సెలవుల పూర్తి లిస్ట్..ఎన్ని రోజులు వచ్చాయంటే..
అర్జెంటుగా డబ్బు అవసరం.. పర్సనల్ లోన్ తీసుకోవాలా? గోల్డ్ బెటరా?
మరిన్ని జాతీయ, తెలుగు వార్తల కోసం క్లిక్ చేయండి
