Lokesh On Nepal Rescue: నేపాల్లోని తెలుగు వారికి లోకేశ్ భరోసా.. అధికారులకు కీలక ఆదేశాలు
ABN , Publish Date - Sep 10 , 2025 | 03:53 PM
నేపాల్లో కొనసాగుతున్న అశాంతి మధ్య చిక్కుకున్న తెలుగు పౌరులను తిరిగి తీసుకురావడానికి రెస్క్యూ కార్యకలాపాలకు ఐటీ & మానవ వనరుల అభివృద్ధి మంత్రి నారా లోకేష్ ప్రత్యక్ష బాధ్యత తీసుకున్నారు.
అమరావతి: నేపాల్లో చిక్కుకున్న ఆంధ్రప్రదేశ్ రాష్ట్ర పౌరులను రక్షించడానికి 24 గంటలు కృషి చేయాలని మంత్రి లోకేశ్ అధికారులను ఆదేశించారు. నేపాల్లో చిక్కుకున్న 215 మందికి పైగా ఏపీ నివాసితులు ఖాట్మండు, పోఖారా, సిమికోట్లోని ప్రధాన క్లస్టర్లలో ఉన్నట్లు తెలిపారు. లోకేష్ RTGS నుంచి వ్యక్తిగతంగా పర్యవేక్షిస్తున్నట్లు పేర్కొన్నారు. ప్రతి రెండు గంటలకు ఒకసారి సమీక్షలను నిర్వహిస్తున్నామని చెప్పుుకొచ్చారు. ఒంటరిగా ఉన్న పౌరులతో నేరుగా మాట్లాడి, వారికి రక్షణ, భద్రత గురించి హామీ ఇచ్చినట్లు స్పష్టం చేశారు. ఖాట్మండు విమానాశ్రయం తిరిగి తెరిచిన వెంటనే బాధితులను ఏపీకి చార్టర్డ్ విమానాల్లో తరలించేలా చర్యలు తీసుకోనున్నట్లు లోకేశ్ వెల్లడించారు.
నేపాల్లో కొనసాగుతున్న అశాంతి మధ్య చిక్కుకున్న తెలుగు పౌరులను తిరిగి తీసుకురావడానికి రెస్క్యూ కార్యకలాపాలకు ఐటీ & మానవ వనరుల అభివృద్ధి మంత్రి నారా లోకేష్ ప్రత్యక్ష బాధ్యత తీసుకున్నారు. బాధితులు వారి కుటుంబాల సమాచారం, సహాయం పొందడానికి హెల్ప్లైన్ నెం. 9818395787 ప్రారంభించబడిందని ఆయన స్పష్టం చేశారు. ఢిల్లీలోని ఏపీ భవన్, విదేశాంగ మంత్రిత్వ శాఖ, పౌర విమానయాన అధికారులతో సమన్వయంతో వారిని తిరిగి రప్పించేందుకు ప్రయత్నాలు జరుగుతున్నాయని పేర్కొన్నారు.
చైనా సరిహద్దుకు సమీపంలో 90 మంది, పశుపతిలో 55 మంది, బఫల్లో 27 మంది, సిమికోట్లో 12 మంది ఏపీ వారు ఉన్నట్లు గుర్తించినట్లు లోకేశ్ చెప్పుకొచ్చారు. పరిస్థితులు అనుకూలించిన తర్వాత తరలింపును త్వరగా అమలు చేయడానికి వారి పేర్లు, స్వస్థలాలు విషయంలో వారితో సంప్రదింపులు జరుపుతున్నట్లు పేర్కొన్నారు. వ్యక్తిగతంగా అనేక మంది చిక్కుకుపోయిన పౌరులతో మాట్లాడినట్లు స్పష్టం చేశారు. అయితే.. ఖాట్మండులో తనతో పాటు 81 మందికి ఆహారం తక్కువగా ఉందని విజయనగరంకు చెందిన మురుళి అనే వ్యక్తి తనతో ఆవేదన వ్యక్తం చేసినట్లు తెలిపారు.
బాధితులు దయచేసి ఇంట్లోనే ఉండాలని, ఫోన్ బ్యాటరీలను జాగ్రత్తగా చూసుకోవాలని లోకేశ్ సూచించారు. ఎవరూ భయపడవద్దు అని తప్పకుండా రక్షిస్తామని హామీ ఇచ్చారు. పాస్పోర్ట్ పోగొట్టుకున్న వారికి తాత్కాలిక పాస్పోర్ట్లు జారీ చేస్తామని చెప్పుకొచ్చారు. ఖాట్మండు విమానాశ్రయం తిరిగి తెరిచిన తర్వాత విశాఖపట్నం,విజయవాడకు విమానాలను ఏర్పాటు చేయాలని నిర్ణయం తీసుకున్నట్లు పేర్కొన్నారు. అవసరమైతే లక్నో, వారణాసి ద్వారా సరిహద్దు క్రాసింగ్లను ఉపయోగించడం వంటి ప్రతి పరిస్థితికి సిద్ధంగా ఉండాలని ఆయన అధికారులకు ఆదేశాలు జారీ చేశారు. ప్రతి పౌరుడిని ఆంధ్రప్రదేశ్కు మాత్రమే కాకుండా స్థానిక కలెక్టర్ల సమన్వయంతో సురక్షితంగా వారి జిల్లాలకు స్వస్థలాలకు తిరిగి పంపాలని ముఖ్యమంత్రి ఆదేశించినట్లు గుర్తు చేశారు. ఆ దిశగా చర్యలు ఉండాలన్న లోకేష్ అధికారులకు సూచించారు.
Also Read:
డిప్యూటీ సీఎం ఫొటోపై పిటిషన్.. కొట్టివేసిన హైకోర్ట్
జార్ఖండ్లో అనుమానిత ఐసిస్ ఉగ్రవాది అరెస్ట్
