CBN: హైదరాబాద్‌కు చేరుకున్న చంద్రబాబు ..

శంషాబాద్‌ రూరల్‌, మే 29 (ఆంధ్రజ్యోతి): అమెరికా పర్యటన ముగించుకొని హైదరాబాద్‌కు చేరుకున్న టీడీపీ అధినేత చంద్రబాబు ఆయన సతీమణి భువనేశ్వరికి బుధవారం శంషాబాద్‌ అంతర్జాతీయ విమానాశ్రయంలో టీడీపీ శ్రేణులు ఘనంగా స్వాగతం పలికాయి. ఉదయం 9.30 గంటలకు బాబు దంపతులు ఎయిర్‌పోర్టుకు చేరుకున్నారు. ఈ సందర్భంగా టీడీపీ కార్యకర్తలు, నాయకులు పెద్ద ఎత్తునవిమానాశ్రయానికి తరలివచ్చి పుష్పగుచ్ఛాలు అందజేసి ఘనంగా స్వాగతం పలికారు.

మనదే ప్రభుత్వం: బాబు

ఏపీలో కూటమి ప్రభుత్వం ఏర్పాటు చేయబోతోందని చంద్రబాబు చెప్పారు. పార్టీ నేతలతో ఆయన భేటీ అయ్యారు. పార్టీనేతలు, కార్యకర్తలు బాగా కష్టపడ్డారని అభినందించారు. జనసేన అధ్యక్షుడు పవన్‌ కల్యాణ్‌ కూడాబాగా కష్టపడ్డారని, బీజేపీతో పొత్తుకూడా ఉపయోగపడిందన్నారు.