Janasena: పిఠాపురంలో పవన్ కల్యాణ్ ఎన్నికల ప్రచారం దృశ్యాలు..

జనసేన అధినేత పవన్ కల్యాణ్ ఎన్నికల ప్రచారంలో భాగంగా రెండోరోజు ఆదివారం కాకినాడ జిల్లా పిఠాపురంలో పర్యటించారు. ఇక్కడ పవన్ విజయం సాధించడం కోసం ఇప్పటి నుంచే బూత్ లెవెల్లో కూటమి నేతలు కలిసి ఏ విధంగా పని చేయాలి.. వైసీపీ చేస్తున్న కుట్రలు, కుయుక్తులు ఏ విధంగా ఎదుర్కొని ముందుకు వెళ్లాలన్న దానిపై పవన్ కల్యాణ్ పార్టీ నేతలకు దిశా నిర్దేశం చేశారు. అంతకుముందు ఆయన అత్యంత ప్రాచుర్యం పొందిన పురుహూతికా దేవి అమ్మవారిని పవన్ దర్శించుకుని ప్రత్యేక పూజలు చేశారు. తర్వాత దత్తాత్రేయ పీఠాన్ని దర్శించుకున్నారు.