Gyanvapi: జ్ఞానవాపిలో యోగి ఆదిత్యనాథ్ ప్రత్యేక పూజలు

వారణాసి: ఉత్తరప్రదేశ్ ముఖ్యమంత్రి యోగి ఆదిత్యనాత్ జ్ఞానవాపిలో మంగళవారం నాడు ప్రత్యేక పూజలు నిర్వహించారు. జ్ఞానవాపి మసీదు లోపల ఉన్న ‘వ్యాస్ కా టెఖానా’లో పూజలు చేశారు. మసీదు సీలు చేసిన నేలమాళిగలో పూజ చేయడానికి వారణాసి కోర్టు అనుమతించిన సంగతి తెలిసిందే. ఆ తర్వాత సీఎం యోగి ఆదిత్యనాథ్ (Yogi Adityanath) జ్ఞానవాపికి వచ్చారు. వ్యాస్ కా టెఖానాలో ప్రతిష్ఠించిన ప్రతిమలను చూసి యోగి ఆదిత్యనాథ్ ముచ్చట పడ్డారు. అక్కడ ఏర్పాటు చేసిన నందికి ప్రత్యేక పూజలు చేశారు.

తర్వాత వారణాసిలో డాక్టర్ సంపూర్ణానంద్ స్టోర్స్ స్టేడియం, కాశీ రోప్ వేను యూపీ సీఎం యోగి ఆదిత్యనాథ్ పరిశీలించారు. వారణాసి లోక్ సభ నియోజకవర్గం నుంచి ప్రధానమంత్రి నరేంద్ర మోదీ ప్రాతినిధ్యం వహిస్తున్నారు. ఈ నెల 24, 25 తేదీల్లో వారణాసిలో మోదీ పర్యటించాల్సి ఉంది. అంతకుముందు యోగి ఆదిత్యనాథ్ పర్యటించారు. ప్రధాని మోదీ పర్యటన సందర్భంగా భద్రతా ఏర్పాట్లపై సమీక్షించారు. మోదీ పర్యటన నేపథ్యంలో వారణాసి పరిశుభ్రంగా ఉండేలా చూడాలని అధికారులను ఆదేశించారు. ఆ తర్వాత కాశీ విశ్వనాథ్ ఆలయంలో యోగి ఆదిత్యనాథ్ పూజలు నిర్వహించారు.

మరిన్ని జాతీయ వార్తల కోసం ఈ లింక్ క్లిక్ చేయండి.