Loksabha Polls: ఎన్డీఏ కూటమికి 399 సీట్లు.. కాంగ్రెస్‌కు కేవలం 38 సీట్లు

ఢిల్లీ: దేశంలో ప్రస్తుత ట్రెండ్ చూస్తే ఎన్డీఏ (NDA) ముచ్చటగా మూడోసారి అధికారం చేపట్టే పరిస్థితి కనిపిస్తోంది. సర్వేలు అన్ని దాదాపు ఇదే విషయం చెబుతున్నాయి. ఇండియా టీవీ సీఎన్ఎక్స్ ఒపీనియల్ పోల్ కూడా ఇదే విషయం వెల్లడించింది. వచ్చే లోక్ సభ ఎన్నికల్లో బీజేపీ (BJP) నేతృత్వంలోని ఎన్డీఏ కూటమి 399 సీట్లు సాధిస్తోందని అంచనా వేసింది. ఇప్పటికిప్పుడు ఎన్నికలు జరిగితే బీజేపీ (BJP) ఒంటరిగా 342 సీట్లు సాధిస్తోందని వివరించింది. ఇండియా బ్లాక్ కూటమి కేవలం 94 సీట్లు మాత్రమే గెలుస్తోందని పేర్కొంది. తృణమూల్ కాంగ్రెస్ పార్టీ, వైసీపీ, బీజేడీ, ఇతరులు 50 సీట్ల వరకు గెలుచుకుంటారని తెలిపింది.

మార్చి 1వ తేదీ నుంచి 30వ తేదీ వరకు 543 లోక్ సభ నియోజకవర్గాల్లో లక్ష 79 వేల 190 మంది నుంచి అభిప్రాయం తీసుకున్నామని ఇండియా టీవీ సర్వే వివరించింది. ఇందులో పురుషులు 91 వేల 100 మంది ఉండగా మహిళలు 88 వేల 90 మంది ఉన్నారు.

బీజేపీకి 342 సీట్లు వస్తాయని సర్వే పేర్కొంది. కాంగ్రెస్ పార్టీకి కేవలం 38 సీట్లు మాత్రమే వస్తాయని అంచనా వేసింది. టీఎంసీ 19, డీఎంకే 18, జేడీయూ 14, టీడీపీ 12, ఆప్ 6, ఎస్పీ 3, ఇతరులు 91 సీట్లను గెలుచుకుంటారని వివరించింది. గుజరాత్, మధ్యప్రదేశ్, రాజస్థాన్, హర్యానా, ఢిల్లీ, ఉత్తరాఖంగడ్, హిమాచల్ ప్రదేశ్‌ రాష్ట్రాల్లో అన్ని సీట్లను బీజేపీ గెలుచుకుంటుందని తెలిపింది.

లోక్ సభ ఎన్నికల్లో ఆంధ్రప్రదేశ్‌లో తెలుగుదేశం పార్టీ బలపడనుంది. టీడీపీకి 12 సీట్లు, వైసీపీకి 10 సీట్లు, బీజేపీ 3 స్థానాలు గెలుచుకుంటుందని వివరించింది. తెలంగాణ రాష్ట్రంలో కాంగ్రెస్ పార్టీ మరింత బలపడనుంది. ఏకంగా 9 సీట్లు గెలుచుకుంటుందని సర్వే పేర్కొంది. బీజేపీ 5, బీఆర్ఎస్ 2, మజ్లిస్ ఒక సీటు గెలుచుకుంటుందని అంచనా వేసింది.

మరిన్ని జాతీయ వార్తల కోసం ఈ లింక్ క్లిక్ చేయండి.

ఇవి కూడా చదవండి:

Uttar Pradesh: యూపీలో బీజేపీ కూటమి హవా.. తేలిపోనున్న ఎస్పీ: ఇండియా టీవీ సర్వే

Congress: సీటు పోటు.. సంజయ్ నిరుపమ్‌పై సస్పెన్షన్ వేటు..?