Thalasani Srinivas Yadav: 6 గ్యారెంటీల్లోని మిగతా వాటిని వెంటనే అమలు చేయాలి

హైదరాబాద్: 6 గ్యారెంటీల్లోని మిగతా వాటిని సీఎం రేవంత్‌రెడ్డి ( CM Revanth Reddy ) వెంటనే అమలు చేయాలని సనత్ నగర్ ఎమ్మెల్యే తలసాని శ్రీనివాస్ యాదవ్ ( Thalasani Srinivas Yadav ) వ్యాఖ్యానించారు. ఆదివారం నాడు అమీర్‌పేటలో ఉన్న ఓ ప్రభుత్వ హాస్పిటల్‌లో 10 లక్షల రూపాయల వరకు వర్తించే రాజీవ్ ఆరోగ్య శ్రీ సేవలను తలసాని శ్రీనివాస్ యాదవ్ ప్రారంభించారు. అలాగే రిబ్బన్ కట్ చేసి RTC బస్సులల్లో మహిళలకు ఉచిత ప్రయాణాన్ని తలసాని ప్రారంభించారు. ఈ సందర్భంగా తలసాని మీడియాతో మాట్లాడుతూ... ప్రజోపయోగమైన కార్యక్రమాలకు ఎల్లప్పుడూ మా సహకారం ఉంటుంది. మహాలక్ష్మి కార్యక్రమం క్రింద మహిళలకు 2500 రూపాయల ఆర్థిక సహాయం, 4 వేల పెన్షన్, 500 రూపాయలకే గ్యాస్ సిలెండర్ పంపిణీలను కూడా వెంటనే అమలు చేయాలి’’ అని తలసాని శ్రీనివాస్ యాదవ్ పేర్కొన్నారు.