BalineniSrinivas Reddy: ట్యాపింగ్ అని నిరూపిస్తే.. రాజకీయాల నుంచి తప్పుకుంటా

ప్రకాశం: నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి (Nellore Rural MLA KotamReddy Sridhar Reddy) ట్యాపింగ్‌పై చేసిన వ్యాఖ్యలను వైసీపీ రీజనల్ కోఆర్డినేటర్ బాలినేని శ్రీనివాసరెడ్డి (YCP Regional Coordinator Balineni Srinivasa Reddy) ఖండించారు. బుధవారం మీడియాతో మాట్లాడుతూ.. ‘‘అది కాల్ రికార్డ్ మాత్రమే.. కాల్ రికార్డ్‌ను ట్యాపింగ్ అంటే ఎలా.. అతని ఫ్రెండ్ కాల్ రికార్డ్ చేసి బయటికి పంపారు’’ అని తెలిపారు. ట్యాపింగ్ అని నిరూపిస్తే... రాజకీయాల నుంచి తప్పుకుంటానని... ఛాలెంజ్‌కు శ్రీధర్ సిద్ధమా అంటూ సవాల్ విసిరారు. టీడీపీలోకి వెళ్లాలనే ఉద్దేశంతోనే శ్రీధర్ రెడ్డి ఇలాంటి ఆరోపణలు చేస్తున్నారని మండిపడ్డారు. చంద్రబాబు (TDP Chief Chandrababu Naidu) శ్రీధర్‌రెడ్డి హైదారాబాద్‌ (Hyderabad)లో కలిసి మాట్లాడారన్నారు. ఆనం రామనారాయణరెడ్డి (Anam RamaNarayana Reddy)కి ఎటువంటి భద్రత తగ్గించలేదని తెలిపారు. ఆనం, శ్రీధర్ రెడ్డిలు టీడీపీ(TDP)కి ఎప్పటి నుంచో టచ్‌లో ఉన్నారని.... కావాలనే ఇలాంటి ఆరోపణలు చేస్తున్నారన్నారు. ఇంటలిజెన్స్ చీఫ్ రామాంజనేయులు.. శ్రీధర్ రెడ్డితో ఉన్న చనువుతో కాల్ రికార్డుపై ప్రశ్నించారని బాలినేని శ్రీనివాసరెడ్డి వెల్లడించారు.