కన్నెపల్లి నుంచి మేడారం బయలుదేరనున్న సారలమ్మ

ములుగు జిల్లా: మేడారం జాతరలో అత్యంత కీలక ఘట్టం చోటుచేసుకోనుంది. కన్నెపల్లిలో ఆదివాసి సంప్రదాయాల నడుమ మేడారం వైపు సారలమ్మ బయలుదేరనున్నారు. ఆలయంలో ఆదివాసి పూజారులు రహస్య పూజలు నిర్వహిస్తున్నారు. తరతరాలుగా వస్తున్న గిరిజన ఆచారాలకు అనుగుణంగా ప్రత్యేకంగా ఈ పూజలు జరుగుతున్నాయి. సారలమ్మ బయలుదేరే ఘట్టాన్ని దర్శించేందుకు భక్తులు పెద్ద సంఖ్యలో కన్నెపల్లికి తరలివస్తున్నారు.

ఈ కార్యక్రమానికి రాష్ట్ర మంత్రి సీతక్క హాజరయ్యారు. జిల్లా ఎస్పీ సుధీర్ రాంనాథ్ కేకన్ కూడా కన్నెపల్లి ఆలయానికి చేరుకున్నారు. ఆలయ పరిసరాల్లో కోయ గిరిజనులు సంప్రదాయ నృత్యాలతో సందడి వాతావరణం నెలకొంది. ఈ సందర్భంగా మంత్రి సీతక్క కూడా కోయ నృత్యంలో పాల్గొని ప్రత్యేక ఆకర్షణగా నిలిచారు. భక్తుల రద్దీ దృష్ట్యా కన్నెపల్లి సారలమ్మ గుడి సమీపంలో భారీగా పోలీసులను మోహరించారు. ఎలాంటి అవాంఛనీయ ఘటనలు జరగకుండా భద్రతను కట్టుదిట్టం చేశారు.

Also Read:

భూపాలపల్లి జిల్లాలో అగ్నిప్రమాదం

హైదరాబాద్‌లో రోడ్డు ప్రమాదం.. ఇద్దరు విద్యార్థుల మృతి

Read Latest Telangana News And Telugu News