సిద్ధిక్ నగర్‌లో భవనం పైనుంచి పడి అస్సాం యువకుడి మృతి
ABN , Publish Date - Oct 05 , 2026 | 09:33 AM
హైదరాబాద్ సిద్ధిక్ నగర్‌లో భవనం పైనుంచి పడి అస్సాం యువకుడు దిల్వార్ హుస్సేన్ మృతి చెందాడు. సోమవారం తెల్లవారుజామున మద్యం మత్తులో మూడో అంతస్తు నుంచి ప్రమాదవశాత్తు కిందపడి తీవ్రంగా గాయపడ్డాడు.
హైదరాబాద్, అక్టోబర్ 05: నగరంలోని సిద్ధిక్ నగర్‌లో భవనం పైనుంచి పడి అస్సాం యువకుడు దిల్వార్ హుస్సేన్ మృతి చెందాడు. సోమవారం తెల్లవారుజామున 2.30 గంటల సమయంలో మద్యం మత్తులో మూడో అంతస్తు నుంచి ప్రమాదవశాత్తు కిందపడ్డాడు. ఈ ఘటనలో అతడి తలకు తీవ్ర గాయాలయ్యాయి. కుటుంబ సభ్యులతోపాటు స్థానికులు వెంటనే స్పందించి.. అతడిని కొండాపూర్ ఏరియా ఆసుపత్రికి తరలించారు.
ఆసుపత్రిలో చికిత్స పొందుతూ అతడు మరణించాడు. ఈ ఘటనపై మాదాపూర్ పోలీసులు కేసు నమోదు చేసి దర్యాప్తు చేపట్టారు. దిల్వార్ హుస్సేన్ మృతదేహాన్ని స్వాధీనం చేసుకుని.. పోస్ట్‌మార్టం నిమిత్తం ఉస్మానియా ఆసుపత్రికి తరలించారు.
ఈ వార్తలు కూడా చదవండి..
పేట్ బషీరాబాద్‌లో వ్యాపారవేత్త అనుమానాస్పద మృతి.. కేసు నమోదు
అనకాపల్లిలో ఘోర రోడ్డు ప్రమాదం.. భార్యాభర్తలు మృతి