15వేల పరుగుల క్లబ్‌లో విరాట్ కోహ్లీ.. సచిన్ రికార్డు బ్రేక్

ఇంటర్నెట్ డెస్క్: టీమిండియా స్టార్‌ బ్యాటర్‌ విరాట్‌ కోహ్లీ మరో అరుదైన ఘనత సాధించాడు. అంతర్జాతీయ వన్డే క్రికెట్‌లో 15 వేల పరుగుల మైలురాయిని అందుకున్నాడు. తిరువనంతపురంలో వెస్టిండీస్‌తో జరుగుతున్న తొలి వన్డేలో ఈ ఘనతను అందుకున్నాడు. కేవలం 303 ఇన్నింగ్స్‌ల్లోనే 15 వేల పరుగులు పూర్తి చేసి.. క్రికెట్‌ దిగ్గజం సచిన్‌ టెండూల్కర్‌(377 ఇన్నింగ్స్) రికార్డును బ్రేక్ చేశాడు.

వెస్టిండీస్‌తో మ్యాచ్‌లో బరిలోకి దిగే సమయానికి కోహ్లీ ఖాతాలో 14,941 వన్డే పరుగులు ఉన్నాయి. దీంతో 59 పరుగులు చేస్తే 15 వేల మార్క్‌ను చేరుకునే అవకాశం ఉంది. ఈ క్రమంలో కేవలం 46 బంతుల్లోనే ఆ పరుగులు సాధించాడు. ప్రస్తుతం 63 బంతుల్లో 83 పరుగులతో క్రీజులో ఉన్నాడు. వన్డేల్లో 15 వేల పరుగులు పూర్తి చేసిన రెండో బ్యాటర్‌గా కోహ్లీ రికార్డు నెలకొల్పాడు. ఈ జాబితాలో క్రికెట్ దిగ్గజం సచిన్ టెండూల్కర్(452 ఇన్నింగ్స్‌లో 18,426 రన్స్) అగ్రస్థానంలో ఉన్నాడు.

ఇవి కూడా చదవండి:

చెస్ ఒలింపియాడ్: భారత్ ఖాతాలో రెండు పతకాలు

ఆసియా క్రీడలు: లాంగ్ జంప్‌లో రజతం.. రన్నింగ్‌, డెకథ్లాన్‌లో కాంస్యాలు