ఆసియా క్రీడల ముగింపు వేడుకల్లో భారత పతాకధారిగా నీరూ దాండా

స్పోర్ట్స్ డెస్క్‌: ఆసియా క్రీడలు 2026 (Asian Games) ముగింపు వేడుకలు ఆదివారం నగోయాలో జరగనున్నాయి. ఈ క్లోజింగ్ సెరిమనీలో భారత షూటర్ నీరూ దాండాకు అరుదైన అవకాశం లభించింది. ఈ వేడుకల్లో భారత పతాకధారిగా నీరూ వ్యవహరించనున్నారు. భారత మహిళల పతాకధారి (Flag Bearer)గా నీరూ దాండాను ఎంపిక చేసిన విషయాన్ని డిప్యూటీ చెఫ్ డి మిషన్ అంజలి భగవత్ ధ్రువీకరించారు.

ప్రస్తుతం భారత్‌లో ఉన్న నీరూ ముగింపు వేడుకల కోసం శనివారం ఉదయం నగోయాకు తిరిగి వెళ్లనున్నారు. ఆసియా క్రీడల్లో ఆమె రెండు స్వర్ణ పతకాలు, ఓ రజత పతకాన్ని గెలుచుకొని అందరి దృష్టిని ఆకర్షించారు. పురుషుల తరఫున పతాకధారి ఎంపికపై శనివారం నిర్ణయం తీసుకోనున్నారు. నీరూ విషయానికి వస్తే...మహిళల వ్యక్తిగత ట్రాప్ విభాగంలో గోల్డ్ మెడల్ సాధించి, ఆసియా క్రీడల్లో ట్రాప్‌లో పతకం గెలిచిన తొలి భారత మహిళా షూటర్‌గా నీరూ రికార్డు సృష్టించారు.

మహిళల ట్రాప్ షూటింగ్‌ బృందం ఈ ఆసియా క్రీడల్లో ఈవెంట్‌లో రజత పతకాన్ని దక్కించుకుంది. ఆ బృందంలో ఆమెతో పాటు ఆషిమా అహ్లావత్‌, మనీషా కీర్ కూడా ఉన్నారు. ట్రాప్ మిక్స్‌డ్ టీమ్ ఈవెంట్‌లో కైనన్ చెనాయ్‌తో జతకట్టి మరో పసిడి పతకాన్ని సొంతం చేసుకొని, దేశానికి మూడు పతకాలు అందించారు. మొత్తంగా షూటింగ్ రేంజ్‌లో స్వర్ణం గెలవడం నుంచి ముగింపు వేడుకలో త్రివర్ణ పతాకాన్ని మోయడం వరకు, దాండా ఆసియా క్రీడల ప్రయాణం నగోయాలో జరిగిన భారత ప్రచారంలో ఒక కీలకమైన ఘట్టంగా నిలిచింది.

ఇవి కూడా చదవండి:

44 ఏళ్ల నిరీక్షణకు తెర.. తొలిసారి హాకీలో గోల్డ్ మెడల్

‘ఫ్లైయింగ్‌ అతడికి భార్య లాంటిది’.. స్మిత్ సాహసంపై తండ్రి భావోద్వేగ స్పందన