మహిళ తలకు ఫోన్ కట్టుకుని..

ఇంటర్నెట్ డెస్క్: సోషల్ మీడియాలో నిత్యం అనేక రకాల ఫన్నీ వీడియోలు వైరల్ అవుతున్నాయి. కొంతమంది చేసే చిత్ర విచిత్రమైన పనులకు సంబంధించిన వీడియోలకు ఇంటర్నెట్‌లో వేలు, లక్షల్లో వ్యూస్ వస్తున్నాయి. వంటగదిలో పని చేసేటప్పుడు బోర్ కొట్టకుండా ఉండేందుకు ఓ మహిళ చేసిన పని చూసి నెటిజన్లు కడుపుబ్బా నవ్వుకుంటున్నారు. ప్రస్తుతం ఈ వీడియో నెట్టింట తెగ వైరల్ అవుతోంది.

వీడియోలో కనిపిస్తున్న మహిళ ఒక పొడవైన కర్రను గుడ్డ సాయంతో తలకు కట్టుకుంది. కర్ర చివరన సెల్ ఫోన్ అమర్చింది. అది సరిగ్గా ఆమె కళ్లకు ఎదురుగా ఉండేలా ఏర్పాటు చేసుకుంది. ఓ వైపు సెల్ ఫోన్‌లో తనకు ఇష్టమైన ప్రోగ్రామ్స్ చూస్తూ.. మరోవైపు ఎంచక్కా రొట్టెలు చేస్తోంది. ఏమాత్రం శ్రమ లేకుండా తనకు నచ్చిన సినిమాలు, పాటలు, సీరియల్స్ వంటివి ఆస్వాదిస్తూనే ఆమె తన పని కానిచ్చేస్తోంది. ఈ వీడియో manjotkaur.chahal అనే యూజర్ Instagramలో పోస్ట్ చేయగా.. నెటిజన్లు రక రకాలుగా స్పందిస్తున్నారు. ‘ఆటో-స్క్రోల్‌ను ఆన్ చేయండి’ అంటూ ఒక నెటిజన్ కామెంట్ చేయగా, ‘వావ్.. కొత్త టాలెంట్ సూపర్’ అంటూ మరొకరు కామెంట్ చేశారు.

ఇవి కూడా చదవండి:

షేక్ అవుతున్న అభిషేక్ శర్మ.. వరుసగా మూడోసారి డకౌట్..

నువ్వు అద్భుతం.. పాకిస్థాన్ ప్లేయర్‌పై ఇర్ఫాన్ పఠాన్ సెటైర్లు