మాతా అమృతమయి పీఠం 25వ వార్షికోత్సవ వేడుకలు.. పాల్గొన్న ప్రముఖులు
ABN, Publish Date - Nov 11 , 2026 | 08:39 AM
సికింద్రాబాద్ మహేంద్రహిల్స్‌లోని మాతా అమృతమయి పీఠం 25వ వార్షికోత్సవ వేడుకలు ఘనంగా నిర్వహించారు. ఈ వేడుకలకు తెలంగాణ గవర్నర్ శివ్ ప్రతాప్ శుక్లా ముఖ్య అతిథిగా హాజరయ్యారు.
1/18
సికింద్రాబాద్ మహేంద్రహిల్స్‌లోని మాతా అమృతమయి పీఠం 25వ వార్షికోత్సవ వేడుకలు ఘనంగా నిర్వహించారు. ఈ వేడుకలకు తెలంగాణ గవర్నర్ శివ్ ప్రతాప్ శుక్లా ముఖ్య అతిథిగా హాజరయ్యారు.
2/18
ఈ కార్యక్రమంలో కేంద్ర మంత్రి జీ. కిషన్ రెడ్డి, బీజేపీ తెలంగాణ రాష్ట్ర అధ్యక్షుడు ఎన్. రామచందర్ రావు, మల్కాజిగిరి పార్లమెంట్ సభ్యుడు ఈటల రాజేందర్‌తో పాటు పలువురు ప్రముఖులు పాల్గొన్నారు.
3/18
ఈ సందర్భంగా మాతా అమృతమయి పీఠం 25 ఏళ్ల ప్రస్థానాన్ని పురస్కరించుకుని ప్రత్యేక కార్యక్రమాలు నిర్వహించారు.
4/18
పీఠం ఆధ్వర్యంలో చేపడుతున్న ఆధ్యాత్మిక, సామాజిక సేవా కార్యక్రమాలను ప్రముఖులు గుర్తుచేసుకున్నారు.
5/18
కుల, మత, ప్రాంతీయ భేదాలకు అతీతంగా మఠం అందిస్తున్న నిస్వార్థ సేవలు సమాజంలో ఎంతో మార్పును తీసుకొస్తున్నాయని తెలిపారు. ఇలాంటి సేవా కార్యక్రమాలు మానవత్వం, కరుణ, సేవాభావానికి నిజమైన ప్రతిరూపాలని వ్యాఖ్యానించారు.
6/18
ఈరోజు సికింద్రాబాద్‌లోని ఈస్ట్ మారేడ్‌పల్లిలో మాతా అమృతానందమయి మఠం 25వ వార్షికోత్సవ వేడుకల్లో పాల్గొన్నానని గవర్నర్ శివ ప్రతాప్ శుక్లా తెలిపారు.
7/18
అమ్మగా ప్రసిద్ధి చెందిన మాతా అమృతానందమయి దేవి ఆశీస్సులు అందుకోవడం ఈ వేడుకల్లో ప్రత్యేక ఆకర్షణగా నిలిచింది.
8/18
గత 25 ఏళ్లుగా మాతా అమృతమయి మఠం హైదరాబాద్‌తో పాటు దేశవ్యాప్తంగా పలు సేవా కార్యక్రమాలను కొనసాగిస్తోంది.
9/18
ముఖ్యంగా పేదలకు వైద్య సేవలు అందించడం, మహిళా సాధికారతకు ప్రోత్సాహం కల్పించడం, విద్యార్థులకు విద్యా అవకాశాలు కల్పించడం, ఉపాధి అవకాశాల ద్వారా యువత స్వయం సమృద్ధి సాధించేలా చేయడం వంటి కార్యక్రమాలు చేపడుతోంది.
10/18
కుల, మత, ప్రాంతీయ భేదాలకు అతీతంగా మానవ సేవే మాధవ సేవ అనే స్ఫూర్తితో మఠం సేవలు అందిస్తోంది.
11/18
ఈ సందర్భంగా మఠం అందిస్తున్న నిస్వార్థ సేవలను ప్రముఖులు అభినందించారు.
12/18
సమాజంలో సేవాభావం, మానవత్వం, కరుణ వంటి విలువలను పెంపొందించడంలో ఇలాంటి సంస్థల పాత్ర కీలకమని పేర్కొన్నారు.
13/18
మాతా అమృతానందమయి ఆశీస్సులతో మఠం మరిన్ని సేవా కార్యక్రమాలను కొనసాగిస్తూ పేదలు, విద్యార్థులు, మహిళలకు అండగా నిలవాలని ఆకాంక్షించారు.
14/18
ఈ వేడుకలకు పలువురు ప్రముఖులు, మఠం ప్రతినిధులు, భక్తులు పెద్ద సంఖ్యలో హాజరై వార్షికోత్సవ కార్యక్రమాల్లో పాల్గొన్నారు.
15/18
ఈ పవిత్రమైన సందర్భంగా శ్రీ మాతా అమృతానందమయి దేవి (అమ్మ) ఆశీస్సులు అందుకోవడం సంతోషంగా ఉందని గవర్నర్ పేర్కొన్నారు.
16/18
హైదరాబాద్‌తో పాటు దేశవ్యాప్తంగా మాతా అమృతానందమయి మఠం గత 25 ఏళ్లుగా సేవలను అందిస్తున్నారని కేంద్రమంత్రి కిషన్‌రెడ్డి వ్యాఖ్యానించారు. అమృతానందమయి సంస్థ సేవలను అభినందించారు.
17/18
అమ్మ బోధనల స్ఫూర్తితో పేదలకు వైద్య సేవలు అందించడం, మహిళా సాధికారతను ప్రోత్సహించడం, విద్యార్థులకు విద్యా, ఉపాధి అవకాశాలు కల్పించి స్వయం సమృద్ధి సాధించేలా చేయడం వంటి కార్యక్రమాలు ప్రశంసనీయమని పేర్కొన్నారు.
18/18
అమ్మ దివ్య ఆశీస్సులు సమాజానికి నిరంతరం మార్గనిర్దేశం చేయాలని, మరింత మందికి ఆశలు, అవకాశాలు కల్పించేలా మఠం తన సేవా కార్యక్రమాలను కొనసాగించాలని కిషన్‌రెడ్డి ఆకాంక్షించారు.
Updated at - Nov 11 , 2026 | 08:53 AM