ఆలుగడ్డ తొక్కతో...

ఆలుగడ్డ తొక్కను పడేయకుండా ఎలా వాడుకోవచ్చో చూద్దాం...

దీనిలో యాంటీ ఆక్సిడెంట్లు అధికంగా ఉంటాయి. ఈ తొక్కను గులాబీ నీళ్లలో ముంచి దానితో ముఖంపై మెల్లగా మర్దన చేస్తే చర్మంపై పేరుకున్న దుమ్ము, జిడ్డు, మృతకణాలతో పాటు చర్మ రంధ్రాల్లో చేరిన మురికి తొలగిపోతాయి. మిక్సీలో ఆలుగడ్డ తొక్కలు వేసి కొన్ని పాలు పోసి మెత్తగా గ్రైండ్‌ చేయాలి. ఈ పేస్టుని ఫేస్‌ ప్యాక్‌లా ముఖానికి అప్లయ్‌ చేసి అరగంట తరువాత చల్లటి నీటితో శుభ్రం చేసుకుంటే క్రమంగా మొటిమలు, మచ్చలు, ట్యానింగ్‌ మాయమవుతాయి.

• స్టవ్‌మీద మందపాటి గిన్నెను పెట్టి అందులో రెండు గుప్పెళ్ల తొక్కలు వేసి లీటరు మంచినీటిని పోసి బాగా మరిగించాలి. నీరు సగానికి తగ్గిన తరువాత దించి చల్లార్చి మరో గిన్నెలోకి వడబోయాలి. తలస్నానం చేసిన తరువాత ఈ నీటిని కండిషనర్‌లా ఉపయోగిస్తే శిరోజాలు తేమతో నిండి మృదువుగా మారడంతోపాటు నల్లగా మెరుస్తాయి.

• ఆలుగడ్డ తొక్కలను అరగంటసేపు ఫ్రిజ్‌లో ఉంచాలి. ఆపైన వాటిని కళ్లపై ఉంచుకొని కొద్దిసేపు విశ్రాంతి తీసుకోవాలి. ఈ తొక్కల్లో ఉండే కాటెకోలేస్‌ ఎంజైమ్‌లు ప్రభావవంతంగా పనిచేసి కళ్ల అలసటను పోగొడతాయి. కళ్ల కింద వాపు, నల్లటి వలయాలను తొలగిస్తాయి.

• నల్లగా మారిన వెండి వస్తువలు, నీటి మరకలతో నిండిన స్టీల్‌ పంపులను ఆలుగడ్డ తొక్కలతో రుద్ది మెరిపించవచ్చు. సింక్‌పై ఉండే అద్దాన్ని, డ్రెస్సింగ్‌ మిర్రర్‌ను ఈ తొక్కలతో రుద్ది ఆపైన పలుచటి కాగితంతో తుడిచేస్తే అవి తేలికగా శుభ్రమవుతాయి.

• ఈ తొక్కలలో పొటాషియం, మెగ్నీషియం, పాస్ఫరస్‌ లాంటి ఖనిజాలతోపాటు పీచులు, ఫినోలిక్‌ ఆమ్లాలు, ఫ్లేవనాయిడ్లు అధికంగా ఉంటాయి. కాబట్టి వీటిని చిన్న ముక్కలుగా చేసి మొక్కల చుట్టూ వేస్తే మట్టి సారవంతమవుతుంది. ఈ తొక్కలను ఓ టబ్‌లో వేసి అవి మునిగేవరకు నీటిని పోసి రాత్రంతా నానబెట్టాలి. ఉదయాన్నే ఈ నీటిని మొక్కలకు అందిస్తే అవి ఆరోగ్యంగా పెరుగుతాయి.

ఈ వార్తలు కూడా చదవండి..

ఆశయానికి ఆకాశమే హద్దు

ఈసారి వదల్లేదు!

Read Latest Telangana News And AP News And National News

And Telugu News