చర్మ కాంతికి..

వర్షాకాలంలో ఎదురయ్యే ఉక్కపోత, తేమ కారణంగా ముఖంపై మురికి పేరుకుపోయి మొటిమలు, మచ్చలు ఏర్పడుతుంటాయి. వీటిని సులువుగా నివారించేందుకు పాటించాల్సిన ఇంటి చిట్కాలివే..

• పచ్చి పాలలో ముంచిన దూదితో ముఖాన్ని సున్నితంగా రుద్ది ఆపైన గోరువెచ్చటి నీటితో కడిగేసుకోవాలి. పాలలోని లాక్టిక్‌ యాసిడ్‌ చర్మంపై పేరుకున్న మృతకణాలు, మురికి, జిడ్డులను తొలగించి ముఖాన్ని కాంతివంతంగా మార్చేస్తుంది.

• బాగా పండిన టమాటాను మధ్యకు కోసి దానితో ముఖంపై కింది నుంచి పైకి గుండ్రంగా రుద్దాలి. పావుగంట తరువాత గోరువెచ్చటి నీటితో కడిగేసుకుంటే చర్మ రంధ్రాలు పూర్తిగా శుభ్రమవుతాయి. ఇలా రెండురోజులకోసారి చేస్తుంటే పిగ్మెంటేషన్‌, మొటిమల బాధ తగ్గుతాయి.

• ముఖానికి తేనెను పట్టించి అరగంట తరువాత చల్లటి నీటితో కడిగేసుకుంటే చర్మం తేమతో నిండి బిగుతుగా, ఛాయగా, మృదువుగా మారుతుంది.

• ముఖానికి బంగాళదుంప రసాన్ని రాసి అరగంటసేపు ఆరనివ్వాలి. తరువాత చేతి వేళ్లతో నెమ్మదిగా మర్దన చేస్తే నుదుటిమీద, ముక్కుకు ఇరు ప్రక్కల ఉండే బ్లాక్‌ హెడ్స్‌ తొలగిపోతాయి. చర్మం పొరల్లో రక్తప్రసరణ పెరిగి ముఖం నిగారిస్తుంది.

• జిడ్డు చర్మంతో బాధపడేవారికి ముల్తాని మిట్టి అద్భుతంగా పనిచేస్తుంది. చిన్న గిన్నెలో చెంచా ముల్తాని మిట్టి, రెండు లేదా మూడు చెంచాల గులాబి నీళ్లు వేసి బాగా కలిపి పేస్టులా చేయాలి. ఈ మిశ్రమాన్ని ముఖానికి పట్టించి అరగంటసేపు విశ్రాంతి తీసుకోవాలి. ఆపైన చల్లటి నీటితో శుభ్రం చేసుకుంటే ముఖం ప్రకాశవంతంగా కనిపిస్తుంది.

ఇవి కూడా చదవండి..

సంజీవని గేమ్ చేంజర్‌గా మారుతుంది: సీఎం చంద్రబాబు

ఉద్యోగులను రెచ్చగొట్టేలా బొప్పరాజు వ్యవహరిస్తున్నారు: మంత్రి అనగాని

తెలుగు భాషకు గిడుగు రామమూర్తి చేసిన కృషి మరువలేనిది: సీఎం చంద్రబాబు

Read Latest Telangana News And AP News And National News

And Telugu News