ఇండియా కూటమి సమావేశానికి వర్చువల్గా హాజరు కానున్న ఉద్ధవ్ థాకరే
ABN , Publish Date - Jun 08 , 2026 | 10:04 AM
దేశ రాజధాని ఢిల్లీలో ఇవాళ జరగనున్న ప్రతిపక్షాల 'ఇండియా' కూటమి కీలక సమావేశానికి శివసేన (UBT) అధినేత ఉద్ధవ్ థాకరే వర్చువల్గా హాజరుకానున్నారు. ఈ విషయాన్ని రాజ్యసభ ఎంపీ సంజయ్ రౌత్ అధికారికంగా ప్రకటించారు.
ముంబై/న్యూఢిల్లీ, జూన్ 8: దేశ రాజధాని ఢిల్లీలోని కాన్స్టిట్యూషన్ క్లబ్లో ఇవాళ జరగనున్న ప్రతిపక్షాల 'ఇండియా' (INDIA) కూటమి కీలక సమావేశానికి శివసేన (UBT) అధినేత ఉద్ధవ్ థాకరే వర్చువల్గా (ఆన్లైన్ ద్వారా) హాజరుకానున్నారు. ఈ విషయాన్ని రాజ్యసభ ఎంపీ సంజయ్ రౌత్ అధికారికంగా ప్రకటించారు. తమ పార్టీ కూటమిలోనే కొనసాగుతుందని, 'ఇండియా' కూటమికి శివసేన (UBT) ఎల్లప్పుడూ కట్టుబడి ఉంటుందని ఆయన స్పష్టం చేశారు.
'ఇండియా కూటమి సమావేశంలో ఉద్ధవ్ థాకరే వర్చువల్గా పాల్గొంటారు. శివసేన (UBT) ఎప్పుడూ కూటమికి నమ్మకమైన భాగస్వామిగా ఉంటుంది. కూటమి మరింత ఐక్యంగా, బలంగా మారాలన్నదే మా స్థిరమైన నిశ్చయం. దేశం ఎదుర్కొంటున్న తీవ్రమైన సవాళ్లకు వ్యతిరేకంగా మేమంతా కలిసి పోరాడుతాం. 2029లో దేశంలో అర్ధవంతమైన మార్పును తీసుకొస్తాం,' అని సంజయ్ రౌత్ ధీమా వ్యక్తం చేశారు. మహారాష్ట్రలో 2019 నుంచి కాంగ్రెస్, ఉద్ధవ్ థాకరే నేతృత్వంలోని శివసేన, ఎన్సీపీ (శరద్ పవార్) కలిసి 'మహా వికాస్ అఘాడీ' (MVA) పేరిట కలిసి ఎన్నికల్లో పోటీ చేస్తున్న సంగతి తెలిసిందే.
ఈ వార్తలనూ చదవండి:
దీర్ఘకాలిక పెట్టుబడి సాధనాలపై దృష్టి పెట్టాము: ఎల్ఐసీ సీఈఓ
ఆచితూచి అడుగేయండి.. ఇన్వెస్టర్లకు నిపుణులు సూచన
